.jpg)
ធនាគារ ABA ជាធនាគារពាណិជ្ជធំជាងគេនៅកម្ពុជាគិតលើទ្រព្យសកម្ម, ប្រាក់បញ្ញើ, កម្ចីដុល និងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 របស់ធនាគារជាតិនៃកម្ពុជា បានណែនាំគណនីកាលកំណត់ ជាមួយធានារ៉ាប់រងជីវិត និងគ្រោះថ្នាក់ ពីក្រុមហ៊ុន មេនូឡាយហ្វ៍ (Manulife) ដើម្បីផ្តល់អត្ថប្រយោជន៍នៃការសន្សំប្រាក់ដែលមានអត្រាការប្រាក់ប្រកួតប្រជែង និងផ្តល់កញ្ចប់ធានារ៉ាប់រងដោយឥតគិតថ្លៃ។
អតិថិជន ABA ដែលបើកគណនីកាលកំណត់រយៈពេល 1 ឆ្នាំ នៅតាមសាខា ឬតាមរយៈ ABA Mobile នឹងទទួលបានបណ្ណសន្យារ៉ាប់រងភ្លាមៗពីមេនូឡាយហ្វ៍ ខេមបូឌា ដែលផ្ដល់សំណងករណីបាត់បង់ជីវិត និងពិការភាពទាំងស្រុង ក្នុងចំនួនទឹកប្រាក់ ស្មើនឹងប្រាក់បញ្ញើដែលបានដាក់ (កំណត់អតិបរមា 50,000 ដុល្លារ ឬ 200,000,000 រៀល)។
អតិថិជន ABA មានសិទ្ធិទទួលបានធានារ៉ាប់រងដោយមិនចាំបាច់មានការត្រួតពិនិត្យសុខភាពឡើយ ដែលជាធម្មតាទាមទារឱ្យមានការត្រួតពិនិត្យសុខភាព នៅពេលទិញធានារ៉ាប់រងពីក្រុមហ៊ុន។ សម្រាប់បណ្ណសន្យារ៉ាប់រង អ្នកអាចទាញយកក្នុងទម្រង់អេឡិចត្រូនិក ពីកម្មវិធី ABA Mobile ទុកជាឯកសារយោងនាពេលអនាគតបាន។
នាយកប្រតិបត្តិនៃធនាគារ ABA លោក Askhat Azhikhanov បានមានប្រសាសន៍ក្នុងការដាក់ដំណើរការថា៖ «យើងជឿជាក់ថា ការរួមបញ្ចូលសេវាកម្មរបស់ធនាគារ ABA និង មេនូឡាយហ្វ៍ ខេមបូឌា នេះ គឺសមស្របសម្រាប់អតិថិជនដែលស្វែងរកផែនការហិរញ្ញវត្ថុដ៏ល្អ រួមជាមួយនឹងកញ្ចប់ធានារ៉ាប់រងជីវិតពេញលេញ។ ឥឡូវ អតិថិជនអាចបើកគណនីកាលកំណត់ ABA ជាមួយនឹងអត្រាការប្រាក់ដ៏ទាក់ទាញ ហើយទទួលបានកញ្ចប់ធានារ៉ាប់រងជីវិត និងគ្រោះថ្នាក់ពេញលេញពី Manulife ដៃគូរបស់យើង ដោយឥតគិតថ្លៃ»។
លោកបានបន្ថែមថា ៖«ការរួមបញ្ចូលនេះបានគូសបញ្ជាក់ពីការបន្តគាំទ្រ សុខុមាលភាពរបស់អតិថិជន និងភាពជាដៃគូរបស់ធនាគារជាមួយ Manulife Cambodia ក្នុងការផ្ដល់ជូនអតិថិជននូវការប្រើប្រាស់ផលិតផលធានារ៉ាប់រងដ៏ងាយស្រួល»។
សម្រាប់ព័ត៌មានទាក់ទងនឹងគណនីកាលកំណត់ ជាមួយធានារ៉ាប់រងជីវិត និងគ្រោះថ្នាក់ សូមទូរស័ព្ទទៅ ABA លេខ 1 800 203 203 (ប្រព័ន្ធទូរស័ព្ទឥតគិតថ្លៃសម្រាប់ការហៅក្នុងប្រទេសកម្ពុជា) ឬក្រុមការងារ Manulife តាមលេខទូរស័ព្ទប្រចាំការ 023 965 999។
អតិថិជនដែលចង់បើកគណនី ABA លើកដំបូង អាចបើក ១ តាមស្មាតហ្វូនរបស់អ្នក ដោយទាញយកកម្មវិធី ABA Mobile រួចបើកគណនីរហ័ស (តម្រូវឱ្យមានអត្តសញ្ញាណប័ណ្ណ និងលេខទូរស័ព្ទ)៕
