.jpg)
វិភាគដោយ៖ លោក ឡុង សំណាង ប្រធានផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន ភីភី លីង ស៊ីឃ្យួរឹធី
តម្លៃមាសមានកំណត់ត្រាល្អបំផុតក្នុងរយៈពេល ៣០ ខែ បន្ទាប់ពីអតិផរណារបស់អាមេរិកបានធ្លាក់ទាបជាងការរំពឹងទុកសម្រាប់ខែតុលា។ តម្លៃមាសប្រភេទ Spot Gold និង Gold Futures បានកើនឡើងជាង ៩០ ដុល្លារ កាលពីសប្តាហ៍មុន ខណៈពេលដែលប្រាក់ដុល្លារបានធ្លាក់ចុះ។ លោក Christopher Waller ទេសាភិបាលធនាគារកណ្ដាលអាមេរិកបាននិយាយកាលពីថ្ងៃអាទិត្យថា ខណៈពេលដែលធនាគារកំពុងពិចារណាពីល្បឿននៃការដំឡើងអត្រាការប្រាក់យឺតជាងមុន វាមិនគួរត្រូវបានគេមើលឃើញថាជាការបន្ទាន់ក្នុងការប្រឆាំងនឹងអតិផរណានោះទេ។
ប៉ុន្តែ តម្លៃមាសនៅតែធ្លាក់ចុះធៀបនឹងប្រាក់ដុល្លារក្នុងឆ្នាំនេះ ដោយបានធ្លាក់ចុះយ៉ាងខ្លាំងពីកម្រិតខ្ពស់ប្រចាំឆ្នាំ (ជាង ២ ០០០ ដុល្លារក្នុង ១ អោនស៍)។
បច្ចុប្បន្ន ទីផ្សារកំពុងកំណត់តម្លៃក្នុងការបើកដំណើរការឡើងវិញនៅក្នុងប្រទេសចិននៅឆ្នាំ ២០២៣ ដែលត្រូវបានគេរំពឹងថានឹងជំរុញតម្រូវការទង់ដែង។ ការផ្គត់ផ្គង់លោហៈក៏ត្រូវបានគេរំពឹងថានឹងរឹតបន្តឹងក្នុងរយៈពេលប៉ុន្មានខែខាងមុខនេះ ដោយសារការរំខាននៅក្នុងប្រទេសផលិតធំៗនៅប្រទេសឈីលី និងប៉េរូ ។ ជាបទពិសោធន៍ និងជាការកត់ចំណាំនៃប្រវត្តិសេដ្ឋកិច្ច និងទីផ្សារ ពេលដែលអាត្រាអតិផរណាបានធ្លាក់ចុះខ្លះ ឬល្អប្រសើរជាងមុន ហើយតម្លៃលុយដុល្លារអាមេរិកថ្លៃខ្ពស់ជិតដល់នឹងគោលដៅ ដោយផ្អែកលើការដំឡើងអត្រាការប្រាក់ នោះនឹងធ្វើឱ្យតម្លៃទ្រព្យសម្បត្តិនឹងឡើងថ្លៃវិញ ដូចជាមាសជាដើម។
សម្រាប់ការវិភាគជួញដូរ វិនិយោគិនគួររង់ចាំទិញមាសនៅតម្លៃ ១ ៧៦៣ ដុល្លារ ឬទិញនៅក្នុងចន្លោះបច្ចុប្បន្នពី ១ ៧៧០ ទៅ ១ ៧៦៨ ដុល្លារ ដោយកំណត់មុខងារទាញយកប្រាក់ចំណេញនៅតម្លៃ ១ ៧៨៨,៦៦ និងមុខងារការពារហានិភ័យនៅតម្លៃ ១ ៧៥៥ ដុល្លារ៕
