ក្រុមហ៊ុន ហ្វតតេ ដែលជាក្រុមហ៊ុនធានារ៉ាប់រងទូទៅធំបំផុតនៅកម្ពុជា កាលពីថ្ងៃទី១៨ ខែវិច្ឆិកា បានបង្ហាញនិមិត្តសញ្ញា «រស់នៅដោយភាពជឿជាក់» ដែលជាពាក្យស្លោកថ្មីរបស់ខ្លួនដើម្បីបង្ហាញពីដំណាក់កាលបន្ទាប់នៃការរីកចម្រើនរបស់ក្រុមហ៊ុន។
ក្រុមហ៊ុនធានារ៉ាប់រងអាយុជីវិតដែលកំពុងរីកចម្រើនយ៉ាងឆាប់រហ័សមួយនេះ បានរៀបចំពីធីបង្ហាញនិមិត្តសញ្ញាថ្មីរបស់ខ្លួននៅសណ្ឋាគារ Rosewood Phnom Penh ដោយមានការចូលរួមពីវត្តមានរបស់ឯកឧត្តម ប៊ូ ច័ន្ទភីរូ អគ្គនាយកនៃនិយ័តករធានារ៉ាប់រងកម្ពុជា ព្រមទាំងថ្នាក់ដឹកនាំកំពូលរបស់ក្រុមហ៊ុន ហ្វតតេ និងភ្ញៀវកិត្តិយសជាច្រើនរូបទៀត។
ការអភិវឌ្ឍនិមិត្តសញ្ញានិងពាក្យស្លោកថ្មី «រស់នៅដោយភាពជឿជាក់» គឺជាការបង្ហាញពីភាពជាអ្នកដឹកនាំរបស់ក្រុមហ៊ុននៅក្នុងវិស័យធានារ៉ាប់រង ដើម្បីឈរលើកំណើនប្រកបដោយនិរន្តរភាព និងការកសាងសមត្ថភាពមនុស្ស ខណៈសេវាធានារ៉ាប់រងសម្រាប់មនុស្ស និងសេវាកម្មហិរញ្ញវត្ថុកំពុងស្ថិតនៅក្នុងដំណើរដ៏ រឹងមាំ។
ជាផ្នែកមួយនៃនិមិត្តសញ្ញារបស់ខ្លួន ក្រុមហ៊ុន ហ្វតតេ បានធ្វើឱ្យច្បាស់នូវចក្ខុវិស័យ បេសកកម្ម និងគុណតម្លៃរបស់ខ្លួន ដើម្បីបញ្ជាក់ពីការយកចិត្តទុកដាក់របស់ខ្លួនទៅលើការផ្តល់ផលិតផលនិងសេវាកម្មដែលផ្តោតសំខាន់លើអតិថិជន ប្រកបដោយភាពច្នៃប្រឌិត ក៏ដូចជា ពង្រីកការផ្តល់សេវាធានារ៉ាប់រងអាយុជីវិត និងធានារ៉ាប់រងទូទៅរបស់ខ្លួននៅទូទាំងទីផ្សារនៅក្នុងតំបន់។
លោក Charles Cheo ប្រធាននាយកប្រតិបត្តិក្រុមហ៊ុន ហ្វតតេ មានប្រសាសន៍ថា៖ «ក្រុមហ៊ុន ហ្វតតេ បានកសាងភាពជោគជ័យរបស់យើង លើការផ្តោតលើអតិថិជន ការគិតឆ្ពោះទៅមុខ និងការច្នៃប្រឌិតក្នុងរយៈពេល ២ទសវត្សរ៍កន្លងមកនេះ»។
«យើងជឿជាក់ថា ការកសាងសមធម៌និមិត្តសញ្ញាឱ្យកាន់តែរឹងមាំ រួមជាមួយនឹងទស្សនវិស័យហិរញ្ញវត្ថុដ៏រឹងមាំ ដោយផ្អែកលើចំណាត់ថ្នាក់ ''AA'' Global Credit Rating Co របស់យើងទាក់ទងនឹងការវាយតម្លៃហិរញ្ញវត្ថុជាតិ នឹងបន្ថែមគុណតម្លៃសម្រាប់ម្ចាស់ភាគហ៊ុនរបស់យើង ហើយនិងផ្លាស់ប្តូរក្រុមហ៊ុន ហ្វតតេ ឱ្យក្លាយជាក្រុមហ៊ុនឈានមុខគេក្នុងតំបន់។ យើងកំពុងទន្ទឹងរង់ចាំភាពជោគជ័យកាន់តែខ្លាំងនៅទសវត្សរ៍ខាងមុខ»។
ក្រុមហ៊ុន ហ្វតតេ មានវិធីសាស្រ្តស៊ីជម្រៅ ដោយធ្វើការវិនិយោគលើការស្រាវជ្រាវដើម្បីស្វែងយល់ពីការយល់ដឹងរបស់សាធារណជនអំពីអ្វីដែល ហ្វតតេ កំពុងធ្វើបានល្អបំផុត, ជាកន្លែងដែលមានឱកាស និងអ្វីៗដែល មនុស្សពិតជាចង់បានពីក្រុមហ៊ុនផ្តល់សេវាធានារ៉ាប់រង ដើម្បីបែងចែកសេវាកម្មរបស់ពួកគេនៅក្នុងទីផ្សារ។
លោក យក់ ចំរើនឬទ្ធិ ប្រធានក្រុមប្រឹក្សាភិបាលក្រុមហ៊ុន ហ្វតតេគ្រុប បានមានប្រសាសន៍ថា ៖«វាដល់ពេលហើយសម្រាប់យើងដើម្បីធ្វើដំណើរឆ្ពោះទៅមុខនិងធ្វើទំនើបកម្មសម្រាប់យុគសម័យឌីជីថលនាពេលបច្ចុប្បន្ន»។
«និមិត្តសញ្ញាថ្មីរបស់យើង គឺបង្ហាញពីទំនុកចិត្តនិងសុទិដ្ឋិនិយមក្នុងការធ្វើដំណើរឆ្ពោះទៅមុខក្នុងនាមជាគ្រួសារ ហ្វតតេ តែមួយ ជាមួយនឹងគោលបំណងដ៏រឹងមាំ ស្របតាមចក្ខុវិស័យរបស់យើងក្នុងការការពារ និងផ្តល់ឱ្យមនុស្សគ្រប់គ្នានៅក្នុងតំបន់ឱ្យកាន់តែមានអនាគតល្អប្រសើរមនុស្សម្នាក់ អាជីវកម្មមួយ ក្នុងពេលតែមួយ»។
ក្នុងរយៈពេលប៉ុន្មានខែខាងមុខនេះ ក្រុមហ៊ុន ហ្វតតេ នឹងបង្ហាញនិមិត្តសញ្ញាថ្មី របស់ខ្លួនទៅតាមដំណាក់កាលនីមួយៗ ក៏ដូចជា ការចាប់ផ្តើមយុទ្ធនាការបង្ហាញនិមិត្តសញ្ញាថ្មីនៅក្នុងតំបន់នៅក្នុងប្រទេសកម្ពុជា និងប្រទេសឡាវ។
លោកស្រី Sharliza Rahman ប្រធាននិមិត្តសញ្ញានិងជាមន្ត្រីផ្នែកឌីជីថលរបស់ក្រុមហ៊ុន ហ្វតតេ បានមានប្រសាសន៍ថា ៖«យើងបានវិវត្តន៍និមិត្តសញ្ញានិងការផ្ញើសាររបស់ ហ្វតតេ ដើម្បីឆ្លុះបញ្ចាំងឱ្យកាន់តែច្បាស់ថា យើងជានរណានាពេលបច្ចុប្បន្ននេះ និងដើម្បីពង្រឹងមហិច្ឆតារបស់យើងសម្រាប់ពេលអនាគត»។
«ការវិវត្តន៍និមិត្តសញ្ញារបស់យើងត្រូវធ្វើដោយប្រុងប្រយ័ត្ត ខណៈពេលដែលយើងរក្សាបាននូវភាពប្រាកដប្រជាចំពោះបេតិកភណ្ឌ និងប្រវត្តិសាស្រ្តរបស់យើង»។
«ជាមួយនឹងធាតុដែលអាចស្គាល់បានមួយចំនួន យើងក៏បានដាក់បញ្ចូលឧបករណ៍ដែលមើលឃើញថ្មីផងដែរ ដើម្បីផ្តល់ឱ្យនិមិត្តសញ្ញាថ្មីរបស់យើងពោរពេញដោយថាមពលនិងទំនុកចិត្ត»។
បង្កើតឡើងនៅកម្ពុជា ក្នុងឆ្នាំ ១៩៩៩ ក្រុមហ៊ុន ហ្វតតេ នៅតែប្រកាន់ខ្ជាប់ចំពោះបេសកកម្មរបស់ខ្លួនក្នុងការផ្តល់នូវផលិតផល និងសេវាកម្មដែលផ្តោតលើអតិថិជនប្រកបដោយភាពច្នៃប្រឌិត កសាងសមត្ថភាពមនុស្ស និងរួមចំណែកដល់វឌ្ឍនភាពនៃឧស្សាហកម្មធានារ៉ាប់រងនៅក្នុងទីផ្សារដែលខ្លួនធ្វើប្រតិបត្តិការ។
លោកស្រី Rahman បន្ថែមថា ៖«អ្វីដែលយើងកំពុងធ្វើគឺមិនមែនគ្រាន់តែជាការធ្វើនិមិត្តសញ្ញាឡើងវិញ ឬធ្វើយុទ្ធនាការទីផ្សារនោះទេ។ វាជាសញ្ញាបង្ហាញពីចេតនា និងការប្តេជ្ញាចិត្តរបស់យើងក្នុងការផ្តល់អំណាចដល់មនុស្សតាមរយៈការផ្តល់ឱ្យពួកគេនូវសំណាញ់សុវត្ថិភាព ដែលអាចឱ្យពួកគេមានភាពក្លាហានដើម្បីសម្រេចបាននូវសេចក្តីប្រាថ្នារបស់ពួកគេ»។
ចាប់តាំងពីការបង្កើតឡើងក្នុងឆ្នាំ ១៩៩៩ ក្រុមហ៊ុន ហ្វតតេ បានបង្កើតចំណែកទីផ្សារដ៏ធំបំផុតនៅក្នុងប្រទេសកម្ពុជាសម្រាប់សេវាធានារ៉ាប់រងទូទៅ ហើយពង្រីកដល់សេវាធានារ៉ាប់រងអាយុជីវិតនៅឆ្នាំ ២០១៩។
ដោយក្រុមហ៊ុនទទួលបានការទទួលស្គាល់ក្នុងតំបន់ថា ជាក្រុមហ៊ុន« Domestic Insurer of the Year» នៅក្នុងកម្មវិធី Insurance Asia Awards ជាលើកទីពីរ ក៏ដូចជាទទួលពានរង្វាន់ «Best General Insurance Company in Cambodia» ផ្តល់ដោយ Global Banking and Finance Review រយៈពេល ៨ឆ្នាំជាប់ៗគ្នា៕