វិភាគដោយ៖ លោក ញឹម កុសល អនុប្រធានចាត់ការទូទៅនៃក្រុមហ៊ុន PP Link Securities។
បន្ទាប់ពីការដំឡើងអត្រាការប្រាក់ចុងក្រោយ របស់សហរដ្ឋអាមេរិក ចំនួន ០,២៥% តម្លៃមាសនៅតែមានទំនោរកើនឡើងដល់ ២ ០០០ ដុល្លារ (ក្នុង ១ អោនស៍)។ ក្នុងខែកក្កដា តម្លៃមាសបានប្រែប្រួលក្នុងចន្លោះពី ១ ៩៦៥ ដល់ ១ ៩៨៧ ដុល្លារ។ ចាប់តាំងពីខែឧសភា មក តម្លៃមាសមិនមាន ការប្រែប្រួលខ្លាំងនោះទេ ដែលអាចបញ្ជាក់ថា ការដំឡើងអត្រាការប្រាក់របស់សហរដ្ឋអាមេរិក មិនអាចធ្វើអ្វីបានច្រើនដើម្បីធ្វើឱ្យមាសចុះខ្សោយនោះទេ។
តម្លៃមាសប្រចាំថ្ងៃបានចាប់ផ្តើមក្នុងខែថ្មី ជាមួយនឹងសម្ពាធបន្ដិចដែលបណ្ដាលមកពីកំណើនទិន្នផលរតនាគាររបស់សហរដ្ឋអាមេរិក និងសន្ទស្សន៍ប្រាក់ដុល្លារ។ កាលពីថ្ងៃអង្គារ សន្ទស្សន៍ប្រាក់ដុល្លារបានកើនឡើង ០,៥% ហើយនៅថ្ងៃពុធ តម្លៃមាសបានធ្លាក់ចុះមកប្រហែល ១ ៩៤១ ដុល្លារ។ យ៉ាងណាមិញទីផ្សារនៅតែគិតលើឥទ្ធិពលអវិជ្ជមានថ្មីៗ នៃវិស័យផលិតកម្មរបស់សហរដ្ឋអាមេរិក ក្នុង ខែកក្កដា ដែលជាខែទី៩ នៃការធ្លាក់ចុះផ្នែកអាជីវកម្ម និងការបើកការងារនៅខែមិថុនា ដែលបានថយចុះពី ៩,៦២ ទៅ ៩,៥៨ លាន។
ក្នុងសប្តាហ៍នេះ ទីផ្សារកំពុងរង់ចាំមើលទិន្នន័យការងារប្រចាំខែ របស់សហរដ្ឋអាមេរិក ដែលគ្រោងនឹងចេញ ផ្សាយនៅយប់ថ្ងៃសុក្រសប្តាហ៍នេះ ជាមួយតួលេខរំពឹងទុកនៃស្ថានភាពការងារមិនល្អប្រសើរ សម្រាប់រូបិយប័ណ្ណដុល្លារអាមេរិកនោះទេ។ ជាមួយ នឹងកត្ដាព័ត៌មានទាំងនេះ រួមនឹងការយល់ឃើញថា ធនាគារកណ្ដាលនឹងបញ្ចប់ការដំឡើងអត្រាការប្រាក់
តម្លៃមាសអាចនឹងឡើងដល់ ១ ៩៦៥ ដុល្លារ ប្រសិនបើវាអាចបង្កើតកម្រិតតម្លៃទាបត្រឹម ១ ៩៤០ ដុល្លារ៕
