វិភាគដោយ៖ លោក ឈា ឆាយហេង ប្រធានផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន PP Link Securities។
កូវីដ១៩ បានធ្វើឱ្យតំបន់ឆ្នេរសមុទ្រកម្ពុជាបាត់បង់ភ្ញៀវទេសចរអន្តរជាតិស្ទើរទាំងស្រុង។ហេង ជីវ័ន
បន្ទាប់ពីឡើងដល់ ២ ០៨១ ដុល្លារ (ក្នុង ១ អោនស៍) នៅខែឧសភា ឆ្នាំ ២០២៣ កម្លាំងរបស់មាសបានថយចុះជាលំដាប់ ជាមួយនឹងឥទ្ធិពលចុងក្រោយ ពីកំណើនទិន្នន័យការចំណាយ (Core Retail Sales និង Retail Sales) របស់សហរដ្ឋអាមេរិកសម្រាប់ខែកក្កដា មានភាពល្អប្រសើរ។
តម្លៃមាសបានធ្លាក់ចុះនៅថ្ងៃពុធ ១ ថ្ងៃ បន្ទាប់ពីការធ្លាក់ចុះជិតដល់កម្រិតតម្លៃទាប ១ ៩០០ ដុល្លារ ដោយ សារព័ត៌មាននៃទិន្នន័យការចំណាយរបស់ប្រជាជនសហរដ្ឋអាមេរិក បានឡើងច្រើនជាងការរំពឹងទុកនៅក្នុងខែកក្កដា និងបានជំរុញឱ្យមានការរំពឹងទុកថា ធនាគារកណ្ដាលសហរដ្ឋអាមេរិក នឹងមិនទាន់បញ្ចប់ជាមួយការដំឡើងអត្រាការប្រាក់របស់ខ្លួន និងបង្ហាញថា សេដ្ឋកិច្ចនៅតែបន្តកើនឡើងនៅដើមត្រីមាសទី៣ ខណៈពេលដែលត្រូវរក្សាការធ្លាក់ចុះនៃវិបត្តិសេដ្ឋកិច្ច។
ម្យ៉ាងវិញទៀត វាក៏មានការគាំទ្រពីទិន្នផលរតនាគារសហរដ្ឋអាមេរិក រយៈពេល ១០ ឆ្នាំ ដែលបានឡើងដល់កម្រិតខ្ពស់ជិត ១០ ខែ ដែលធ្វើឱ្យមានភាពទាក់ទាញជាងការទិញមាស ដែលមិនមានការប្រាក់។
តាមលក្ខណៈបច្ចេកទេសវិញ ដោយផ្អែកលើសូចនាករ Technical Confluence រយៈពេល ៤ ម៉ោង មាសបានស្ថិតនៅឆ្ងាយពីចំណុចកម្រិតខ្ពស់ ១ ៩២៥ ដុល្លារ ដែលបង្ហាញថា តម្លៃមាសអាចនឹងធ្លាក់ចុះក្រោមកម្រិតទាប ដែលបានកើតឡើងកាលពីខែមិថុនា។
ដូច្នេះ សម្រាប់ការវិភាគការជួញដូរនៅសប្តាហ៍នេះ វិនិយោគិនគួរតែរង់ចាំមើលថា បើតម្លៃមាសអាចបំបែកតម្លៃទាបបំផុតនៅខែមិថុនាបាន វាអាចនឹងបន្ដធ្លាក់ចុះទៀត៕
សព្វថ្ងៃស្ករត្នោត GI លក់ក្នុងតម្លៃ ៦ ០០០ រៀល ក្នុង ១ គីឡូក្រាម។ រូបថត ភ្នំពេញ ប៉ុស្ដិ៍
