វិភាគដោយ៖ លោក ឈា ឆាយហេង ប្រធានផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន PP Link Securities។
ជនអន្ដោប្រវេសន៍ជនជាតិវៀតណាម ៨ នាក់ លួចឆ្លងដែនចូលមកកម្ពុជាកាលពីម្សិលមិញ។ រូបថត GDI
កាលពីថ្ងៃពុធ ទីផ្សារមាសបានបើកនៅតម្លៃ ១ ៩១២,៤៧ ដុល្លារ (ក្នុង ១អោនស៍) ជាមួយនឹងទិសដៅធ្លាក់ចុះ ដែលបង្ហាញដោយតារាងតម្លៃប្រចាំថ្ងៃនិងប្រចាំសប្តាហ៍ និងមានកម្រិតតម្លៃខ្ពស់ ១ ៩៦៣ ដុល្លារ។
ស្របពេលគ្នានេះដែរ អារម្មណ៍ទីផ្សារកំពុងកើនឡើង ខណៈពេលដែលតម្លៃមាសក៏ចាប់ផ្តើមមានប្រតិកម្មចំពោះព័ត៌មានសំខាន់ៗទាក់ទងនឹងស្ថានភាពអតិផរណាសហរដ្ឋអាមេរិក។
យោងតាមគេហទំព័រ Forexfactory សន្ទស្សន៍ថ្លៃទំនិញ ឬ Consumer Price Index (CPI) ដែលត្រូវចេញផ្សាយនៅថ្ងៃពុធ (ម៉ោង ៧:៣០យប់នៅកម្ពុជា) ជាមួយនឹងការរំពឹងទុកជាវិជ្ជមាន ដែលជាកត្តាគាំទ្រដល់ប្រាក់ដុល្លារ។ ទោះយ៉ាងនេះក្ដី នៅមានការចេញផ្សាយព័ត៌មានសេដ្ឋកិច្ចផ្សេងៗទៀតទាក់ទងនឹងប្រាក់ដុល្លារនៅយប់ថ្ងៃព្រហស្បតិ៍សប្តាហ៍នេះ ដូចជា៖ ទិន្នន័យ Producer Price Index ទិន្នន័យ Retail Sales និងទិន្នន័យ Unemployment Claims ជាដើម។
បើផ្អែកទៅលើការព្យាករ ភាគច្រើននៃព័ត៌មានទាំងនេះ គឺមិនល្អសម្រាប់សេដ្ឋកិច្ចសហរដ្ឋអាមេរិកទេ។ ដូច្នេះ សម្រាប់តម្លៃមាសធៀបនឹងប្រាក់ដុល្លារ វាអាចនឹងបង្កើតទាំងទិសដៅធ្លាក់ចុះ និងការកើនឡើង។
យោងតាមការវិភាគផ្នែកបច្ចេកទេសវិញ ប្រសិនបើព័ត៌មានទាំងនេះធ្វើឱ្យតម្លៃមាសឡើងដល់កម្រិតតម្លៃខ្ពស់ ១ ៩៨៥ ដុល្លារ នោះមាសនឹងបន្តទំនោរធំរបស់វា ហើយអាចនឹងបង្កើតតម្លៃខ្ពស់បំផុតជាប្រវត្តិសាស្ត្រថ្មី ប៉ុន្ដែប្រសិនបើព័ត៌មានធ្វើឱ្យប្រាក់ដុល្លារធ្លាក់ចុះ និងបំបែកតម្លៃទាប ១ ៩០០ដុល្លារ នោះវាអាចនឹងចុះទៅ ដល់តម្លៃប្រហែល ១ ៨៥៥ដុល្លារ៕
