វិភាគដោយ៖ លោក Naoto Arase ប្រធានផ្នែកបច្ចេកវិទ្យាហិរញ្ញវត្ថុនៃក្រុមហ៊ុន ភីភី លីង ស៊ីឃ្យួរឹធី។
កងកម្លាំងរក្សាសន្តិភាព UN ឈរយាមនៅជំរំជនភៀសខ្លួន al-Riyadh។ AFP
តាមផ្នែកបច្ចេកទេស សូចនាករទាំងអស់បង្ហាញថា រូបិយប័ណ្ណដុល្លារធៀបនឹងយ៉េន មានទំនោរកើនឡើង។ ដូចគ្នាដែរ ព័ត៌មានជាច្រើនក៏គាំទ្រដល់ទំនោរនេះ ដូចជា៖ ការរំពឹងទុកនៃការបន្ដរឹតបន្តឹងរូបិយវត្ថុដោយធនាគារកណ្តាលសហរដ្ឋអាមេរិក ការរំពឹងទុកនៃការបន្តបន្ធូរបន្ថយរូបិយវត្ថុដោយធនាគារកណ្តាលជប៉ុន និងគម្លាតរវាងគោលនយោបាយរូបិយវត្ថុរបស់ជប៉ុន និងសហរដ្ឋអាមេរិក។
នៅក្នុងបរិបទនេះ ការយកចិត្តទុកដាក់នឹងផ្តោតលើ Federal Open Market Committee (FOMC) និង Summary of Economic Projection (SEP) ដែលធ្វើឡើងនៅថ្ងៃទី ២១ កញ្ញា ម៉ោង ១ ព្រឹក (ម៉ោងនៅកម្ពុជា) និងសន្និសីទសារព័ត៌មានដោយលោក Jerome Powell ប្រធានក្រុមប្រឹក្សាភិបាលនៃធនាគារកណ្ដាលអាមេរិកនៅម៉ោង ១ កន្លះព្រឹក។
ទាក់ទងនឹងការរំពឹងទុកនៃការបន្ដរឹតបន្តឹងរូបិយវត្ថុរបស់ FOMC ទោះបីជាគោលនយោបាយអត្រាការប្រាក់ ត្រូវបានគេរំពឹងថា មិនប្រែប្រួល SEP ដែលត្រូវបានប្រកាសនៅពេលជាមួយគ្នា នៅតែមានរឿងតម្រូវឱ្យមានការដំឡើងអត្រាការប្រាក់បន្ថែមក្នុងឆ្នាំនេះ ឬស្នើឱ្យមានការពន្យារពេលក្នុងការចាប់ផ្តើមនៃការកាត់បន្ថយអត្រាការប្រាក់នៅឆ្នាំក្រោយ ឬប្រសិនបើលោក Powell មិនផ្លាស់ប្តូរជំហរខាងដំឡើងអត្រាការប្រាក់ទេ ទីផ្សារនឹង គិតដល់ទំនោរកើនឡើងក្នុងការទិញប្រាក់ដុល្លារ ដែលអាចបណ្តាលឱ្យគូប្រាក់ដុល្លារ-យ៉េន អាចបំបែកតម្លៃ ១៤៨ ដុល្លារ និងឆ្ពោះទៅរកកម្រិតខ្ពស់ ១៤៨,៨៦ ដុល្លារ កាលពីឆ្នាំមុន។
គិតត្រឹមថ្ងៃទី ២០ ខែកញ្ញា ទីផ្សារនៅតែបន្តរំពឹងលើឱកាសទិញគូប្រាក់ដុល្លារយ៉េន បន្ទាប់ពីការប្រកាសរបស់ FOMC។ ដូច្នេះ ចាប់ពីថ្ងៃទី ២០-២២ គូប្រាក់ដុល្លារ-យ៉េន អាចប្រែប្រួលក្នុង ចន្លោះពី ១៤៧ ទៅ ១៤៩ ដុល្លារ៕
កម្មការិនី ធ្វើការជាជាងក្រឡឹង។ ADB ថា ឧស្សាហកម្ម ៤.០ អាចនាំដល់ការផ្លាស់ប្តូរនៃជំនាញ និងការងារនៅក្នុងប្រទេសកម្ពុជា។ រូបថត សហការី
