ឯកអគ្គរាជទូតម៉ាឡេស៊ីប្រចាំកម្ពុជា ឯកឧត្តម Eldeen Husaini មានប្រសាសន៍ថា លោករំពឹងថានឹងមានសមយុទ្ធយោធារួមគ្នាជាមួយកម្ពុជានៅឆ្នាំក្រោយ ខណៈវគ្គសិក្សាយោធាក្រោមកម្មវិធីកិច្ចសហប្រតិបត្តិការ ការពារជាតិម៉ាឡេស៊ី (MDCP) អាចត្រូវបាននាំមកផ្ទាល់ដល់សិក្ខាកាមកម្ពុជា។ ឯកឧត្តម Eldeen Husaini បានបង្ហាញពីផែនការនេះអំឡុងពេលជួបជុំពិសាអាហារថ្ងៃត្រង់ជាមួយអតីតនិស្សិត និងអ្នកចូលរួមមកពីកម្ពុជាដែលទៅទទួលការបណ្តុះបណ្តាលផ្នែកយោធាក្រោមកម្មវិធី MDCP នៅប្រទេសម៉ាឡេស៊ី។
ឯកឧត្តមមានប្រសាសន៍ថា៖ «ទោះបីមានកិច្ចសហការប្រតិបត្តិការ និងកិច្ចព្រមព្រៀងក៏ដោយ ក៏ខ្ញុំនៅតែឃើញសក្តានុពលសម្រាប់ធ្វើឲ្យយើងរីកចម្រើនកាន់តែប្រសើរទៀត។ នៅពេលនេះយើងមានផែនការផ្តល់វគ្គសិក្សាបន្ថែម ហើយយើងក៏បានរៀបចំផែនការធ្វើសមយុទ្ធយោធារួមគ្នាជាមួយកម្ពុជាផងដែរ»៕ រូបថត ហ៊ាន រង្សី
