កម្មវិធី​ជួបជុំ​ក្រុម​ពាណិជ្ជករ​ជនជាតិ​ចិន​នៅ​កម្ពុជា (CBNE) លើក​ទី​ ៥ ​ត្រូវ​បាន​ប្រារព្ធ​ធ្វើឡើង​នៅក្នុង​រាជធានី​ភ្នំពេញ​កាលពី​ថ្ងៃ​សៅរ៍​កន្លងទៅ ដែល​មាន​ក្រុម​ពាណិជ្ជករ​ចូលរួម​ជាង​ ៣០០ ​នាក់​មកពី​វិស័យ​ជាច្រើន​ដូចជា​វិស័យ​សំណង់ អចលនទ្រព្យ ច្បាប់ ហិរញ្ញវត្ថុ ដឹកជញ្ជូន​ជាដើម​។ កម្មវិធី​ជួបជុំ​ក្រុម​ពាណិជ្ជកម្ម​បែប​នេះ​ត្រូវបាន​ប្រារព្ធ​ជាច្រើន​លើក​មកហើយ និង​បាន​ពង្រីក​កាន់តែ​ធំ​ឡើងៗ ហើយ​បច្ចុប្បន្ន​នេះ​បាន​ក្លាយ​ទៅជា​បណ្តាញ​មួយ​យ៉ាងសំខាន់​សម្រាប់​គ្រប់​អាជីវករ​ចិន​ក្នុងស្រុក​។

កម្មវិធី CBNE នេះ​គឺ​បង្កើតឡើង​ដោយ​ក្រុមហ៊ុន 58cam.com សហការ​ជាមួយ​ក្រុមហ៊ុន​អចលនទ្រព្យ Meridian International holding​។

ទន្ទឹមនឹងនេះ​ក៏​មាន​ការគាំទ្រ​ពី​ក្រុមហ៊ុន​អ៊ីនធឺណិត Ezecom ក្រុមហ៊ុន​រថយន្ត Hyundai ក្រុមហ៊ុន E-getS ក្រុមហ៊ុន Cellcard ក្រុមហ៊ុន Compass Real Estate ក្រុមហ៊ុន Cambodia Car World ក្រុមហ៊ុន​ខុនដូ North Park, គេហទំព័រ Real estate.com និង​ក្រុមហ៊ុន​ផ្សេងៗ​ទៀត​ជាង​ ១០ ​ក្រុមហ៊ុន​មានដូចជា Huawei, Yako Technology, Cheng Shin Lon, People & Job, Phnom Penh Post, Grep Tech, cdf-Camobodia Duty Free, Ocean Prime Steak House និង Sokha Phnom Penh Hotel & Residence៕ រូបថត ហេង ជីវ័ន​