កម្មវិធីជួបជុំលើកទី ៤ នៃក្រុមពាណិករជនជាតិចិនត្រូវបានប្រារព្ធធ្វើឡើងកាលពីល្ងាចថ្ងៃសៅរ៍នៅសណ្ឋាគារលំដាប់ខ្ពស់មួយក្នុងរាជធានីភ្នំពេញដែលរៀបចំឡើងដោយក្រុមហ៊ុន 58cam.com ដែលជាក្រុមហ៊ុនប្រព័ន្ធផ្សព្វផ្សាយចិនមានមូលដ្ឋាននៅក្នុងប្រទេសកម្ពុជា។ នៅក្នុងពិធីនោះមានក្រុមពាណិជ្ជករចូលរួមជាង ៣០០ នាក់ដែលមកពីវិស័យជាច្រើនដូចជាវិស័យអចលនទ្រព្យ ហិរញ្ញវត្ថុ ធនាគារ ធានារ៉ាប់រង បដិសណ្ឋារកិច្ច និងវិស័យដែលពាក់ព័ន្ធជាច្រើនទៀត។
លោក Liu Hongfei ស្ថាបនិកក្រុមហ៊ុន 58cam.com មានប្រសាសន៍ថា គោលបំណងនៃការបង្កើតកម្មវិធីជួបជុំបណ្តាញពាណិជ្ជករនេះឡើងគឺដើម្បីពង្រឹងទំនាក់ទំនង និងជំរុញការធ្វើអាជីវកម្មរបស់ជនជាតិចិននៅកម្ពុជាឲ្យបានកាន់តែប្រសើរឡើង ឬសម្រាប់វិនិយោគិនចិនដែលមានចំណាប់អារម្មណ៍ចង់ចូលមកក្នុងទីផ្សារកម្ពុជាដើម្បីពង្រីកបណ្តាញអាជីវកម្ម និងស្វែងរកកិច្ចសហប្រតិបត្តិការពាណិជ្ជកម្មក៏ដូចជាដើម្បីបង្កើតឱកាសដល់អាជីវកម្មរបស់ពួកគេឲ្យកាន់តែប្រសើរឡើង៕ រូបថតសហការី