កម្មវិធីប្រឡងស្នាដៃសិល្បៈថ្នាក់ជាតិប្រចាំឆ្នាំ ២០២០ ក្រោមកិច្ចសហការជាមួយក្រុមហ៊ុនសែលកាតបានបើកដំណើរការកន្លែងចុះឈ្មោះថ្មីមួយទៀត នៅឯការិយាល័យកណ្តាលសែលកាតក្នុងរាជធានីភ្នំពេញ ដើម្បីលើកទឹកចិត្តដល់សិល្បករគំនូរថ្មីៗឱ្យមកចូលរួមប្រកួតកម្មវិធីប្រឡងប្រចាំឆ្នាំលើកទី ៣ នេះ។ ការប្រកាសនូវការបើកដំណើរការកន្លែងចុះឈ្មោះថ្មីនេះ គឺត្រូវបានធ្វើឡើងស្របគ្នានឹងការពន្យារកាលបរិច្ឆេទឈប់ទទួលពាក្យចូលរួមប្រឡង ពោលគឺនឹងបន្តទទួលពាក្យចាប់ពីថ្ងៃនេះរហូតដល់ខែកុម្ភៈ ឆ្នាំ ២០២១។ កម្មវិធីប្រឡងស្នាដៃសិល្បៈថ្នាក់ជាតិប្រចាំឆ្នាំ ២០២០ ត្រូវបានចែកចេញជា ៣ ប្រភេទសម្រាប់សិល្បករចូលរួមប្រកួតដោយក្នុងនោះមានដូចជា គំនូរលើផ្ទាំងក្រណាត់ គំនូរឌីជីថល និងគំនូរតាមដងផ្លូវ។ ក្រុមហ៊ុន សែលកាត សង្ឃឹមថា គំនូរប្រភេទឌីជីថលថ្មីនេះនឹងអាចជួយជំរុញយុវវ័យសម័យបច្ចេកវិទ្យាឌីជីថល ស្វែងរកឃើញនូវមធ្យោបាយថ្មីៗ ដើម្បីពង្រឹងនូវទេពកោសល្យច្នៃប្រឌិត និងចាប់យកអាជីពដ៏ប្រសើរមួយសម្រាប់ថ្ងៃអនាគតរបស់ពួកគេ៕ រូបថត សហការី