កម្មវិធី Women Eco-weavers របស់ធនាគារ មេយប៊ែង មានបំណងផលិតម៉ាស់ ដែលតម្បាញដោយដៃឲ្យបានជាង ១១០ ០០០ ម៉ាស់ក្នុងអំឡុងពេលដែលជំងឺកូវីដកំពុងរាតត្បាត។ ម៉ាស់ដែលត្បាញពីកប្បាសនេះមាន ៣ ស្រទាប់ជាម៉ាស់ដែលមានគុណភាពខ្ពស់ អាចប្រើប្រាស់ឡើងវិញបានច្រើនដង និងមានតម្លៃថោកជាងម៉ាស់ដែលប្រើប្រាស់បានតែម្តង។ ស្ត្រីអ្នកតម្បាញកម្ពុជាប្រមាណ ២៥០ នាក់បានចូលរួមក្នុងគំនិតផ្តួចផ្តើមនេះ ហើយម៉ាស់ជាង ១៥ ០០០ ត្រូវបានផលិតរួចហើយ។ ពួកគាត់អាចរកចំណូលបានប្រមាណ ២០០ ទៅ ៣០០ ដុល្លារក្នុង ១ ខែ។ កម្មវិធី Women Eco-weavers របស់ធនាគារ មេយប៊ែង បានជួយប្រជាជនចំនួន ២ ៥០០ នាក់នៅទូទាំងតំបន់អាស៊ានតាមរយៈមជ្ឈមណ្ឌលបណ្តុះបណ្តាលជំនាញតម្បាញចំនួន ៨ នៅទូទាំងតំបន់៕ រូបថត សហការី