កាលពីថ្ងៃសៅរ៍ ទី២៥ វិច្ឆិកាកន្លងទៅនេះ ដើម្បីចូលរួមអបអរគម្រប់ខួបលើកទី២៥របស់មន្ទីរពេទ្យកុមារគន្ធបុប្ផាសមាជិកគណៈគ្រប់គ្រងនៃក្លិបទេសចរណ៍សៀមរាប (STC) បានសហការជាមួយលោក Ayub Yulianto អ្នកគ្រប់គ្រងទូទៅនៃសណ្ឋាគារ Templation Angkor ដើម្បីរៀបចំកម្មវិធីសប្បុរសធម៌ក្នុងគោលបំណងប្រមូលថវិកាឧបត្ថម្ភមូលនិធិគន្ធបុប្ផាដើម្បីជួយ និងគាំទ្រដល់កុមារកម្ពុជា។ ក្នុងពិធីរាត្រីសប្បុរសធម៌នេះដែរក៏មានការដេញថ្លៃរូបគំនូរ និងលក់សំបុត្រចូលរួមក្នុងតម្លៃ៣៥ដុល្លារក្នុងមនុស្សម្នាក់។ ថវិកាដែលប្រមូលបានទាំងអស់សរុបមានចំនួន១០០០០ដុល្លារ លើសពីការរំពឹងទុក៕ រូបថត ហុង មិនា