The Phnom Penh Post Search

Search form

Logo of Phnom Penh Post newspaper Phnom Penh Post - កម្មវិធី​សម្ពោធ​ពិព័រណ៍​សិល្បៈ​គំនូរ និង​រូបថត Complementarity នៅ​វិចិត្រសាល​សណ្ឋាគារ Rosewood ភ្នំពេញ




កម្មវិធី​សម្ពោធ​ពិព័រណ៍​សិល្បៈ​គំនូរ និង​រូបថត Complementarity នៅ​វិចិត្រសាល​សណ្ឋាគារ Rosewood ភ្នំពេញ

ពិព័រណ៍​សិល្បៈ​ជាមួយ​បណ្ដុំ​គំនូរ​ផ្គុំ​ធរណីមាត្រ​បែប​អរូបី ស្នាដៃ​សិល្បការិនី​ខ្មែរ​បារាំង Adana Mam Legros និង​កម្រង​រូបថត​សិល្បៈ​ដ៏បង្កប់​អត្ថន័យ​របស់​អ្នក​ថតរូប Tytaart ត្រូវ​បាន​ដាក់​សម្ពោធ​ជា​ផ្លូវការ​នៅ​វិចិត្រសាល​សណ្ឋាគារ Rosewood ភ្នំពេញ​កាលពី​ថ្ងៃ​ពុធ ទី​ ៩ ខែ​កញ្ញា ឆ្នាំ​ ២០២០ ក្រោម​វត្តមាន​ដ៏ខ្ពង់ខ្ពស់​របស់​ភ្ញៀវ​កិតិ្តយស អ្នកសិល្បៈ និង​បណ្ដា​អ្នក​ស្នេហា​សិល្បៈ​នៅ​កម្ពុជា​។ ពិព័រណ៍​សិល្បៈ Complementarity មាន​បំណង​រំលេច​នូវ​អត្ថន័យ​ដ៏ជ្រាលជ្រៅ និង​ភាពសំខាន់​នៃ​ភាពចុះ​សម្រុង សុខដុមរមនា សេចក្ដី​មេត្តា អាណិតអាសូរ គុណធម៌ និង​ការទទួល​ខុសត្រូវ​ដ៏សំខាន់​ក្នុងសង្គម​។ វិចិត្រសាល​ដែល​រំលេច​ដោយ​ស្នាដៃ​គំនូរ និង​រូបថត​លើ​ជញ្ជាំង​ក៏​មាន​ការចូលរួម​បង្ហាញ​ឈុត​សម្លៀកបំពាក់​ច្នៃ​ម៉ូដ​ដោយ​អ្នក​ច្នៃ​ម៉ូដ​ល្បីល្បាញ Eric Raisina និង Romyda Keth ដែល​ស្ដែង​ពី​ភាព​សហការ​គ្នា​រវាង​សិល្បករ-សិល្បការិនី​មកពី​គ្រប់​ទម្រង់​វិស័យ​៕ រូបថត ហ៊ាន រង្សី