នៅល្ងាចថ្ងៃទី ១៦ ខែវិច្ឆិកា ឆ្នាំ ២០១៨ នៅហាងហ្គាឡូសធីកាហ្វេ (Glosstea Cafe) ក្រុមហ៊ុនណារីតាវេស្ប៉ា បានរៀបចំពិធីសម្ពោធ ម៉ូដែលម៉ូតូវេស្ប៉ាជំនាន់ថ្មីរួមមានម៉ូតូវេស្ប៉ាព្រីម៉ាវេរ៉ា (Vespa Primavera) វេស្ប៉ាស្ព្រីន (Vespa Sprint) និងវេស្ប៉ាអេស (Vespa S) ដោយមានការអញ្ជើញចូលរួមយ៉ាងអធិកអធមពីសំណាក់អតិថិជន អ្នកសារព័ត៌មាន និងអ្នកដែលស្រឡាញ់ និង គាំទ្រម៉ូតូវេស្ប៉ាទាំងអស់។
ថ្លែងនៅក្នុងពិធីនេះកញ្ញា ឃាង ស៊ាងណៃ ប្រធានផ្នែកលក់ និងទីផ្សាររបស់ក្រុមហ៊ុនណារីតាវេស្ប៉ាបានថ្លែងមតិស្វាគមន៍ ចំពោះវត្តមានភ្ញៀវកិត្តិយសទាំងអស់ដែលបានចំណាយពេលវេលាដ៏មានតម្លៃក្នុងការអញ្ជើញចូលរួមសម្រាប់ដាក់តាំងបង្ហាញម៉ូតូវេស្ប៉ាថ្មី ព្រមទាំងបានថ្លែងពន្យល់ពីម៉ូតូជំនាន់ថ្មីទាំង ៣ ប្រភេទនេះរបស់ក្រុមហ៊ុននៅក្នុងឱកាសនោះផងដែរ។