.jpg)
ប៊ឺហ្គើរខ្មៅmyBurgerLabនៅតាមបណ្ដោយផ្លូវនរោត្តមបានរៀបចំពិធីសម្ពោធនៅថ្ងៃ០៥ ខែមេសាដោយទទួលបានការគាំទ្រពីសំណាក់ភ្ញៀវជាច្រើន។ក្នុងថ្ងៃសម្ពោធនោះដែរ ហាងប៊ឺហ្គើរនេះមានការបញ្ចុះតម្លៃពិសេសត្រឹមតែ១ដុល្លារប៉ុណ្ណោះ ឃើញមានអតិថិជនតម្រង់ជួរគ្នាដើម្បីទិញប៊ឺហ្គើរយ៉ាងច្រើន កុះករ ដោយសារថាប៊ឺហ្គើរនោះមានភាពខុសប្លែកពីប៊ឺហ្គើរដទៃត្រង់ថាវាមានសាច់នុំពណ៌ខ្មៅនិងត្រូវបានគេដុតជារៀងរាល់ថ្ងៃ ដើម្បីរក្សានូវរសជាតិ និងភាពស្រស់របស់ប៊ឺហ្គើរ។ ម៉ាកប៊ឺហ្គើរនេះមានប្រភពមកពីប្រទេសម៉ាឡេស៊ី ហើយនៅម៉ាឡេស៊ីគេបានចាប់ផ្ដើមហាងទីមួយរបស់ពួកគេតាំងពីឆ្នាំ២០១២មកម្ល៉េះ។លក្ខណពិសេសរបស់myBurgerLab គឺសាច់នុំប៊ឺហ្គើរខ្មៅដ៏ទន់ និងការផ្ដោតទៅលើរសជាតិប៊ឺហ្គើរដោយដុតសាច់នុំប៊ឺហ្គើរថ្មីៗចេញពីឡ រាល់ថ្ងៃដើម្បីសម្រេចបាននូវសាច់នុំទន់ល្មម ផ្អែមគួបផ្សំនឹងស្នូលជាសាច់ចិញ្ច្រាំធ្វើភា្លមស្រស់ៗមានបរិមាណខ្លាញ់ល្មមដែលឲ្យប៊ឺហ្គើរទាំងមូលមានសំណើមសមល្មម មិនស្ងួតពេក៕ រូបថត សហការី
