ឯកអគ្គរាជទូតម៉ាឡេស៊ីប្រចាំកម្ពុជា ឯកឧត្តម Eldeen Husaini Mohd Hashim និងក្រុមការងាររបស់ឯកឧត្តមបានអញ្ជើញធ្វើទស្សនកិច្ចនៅមជ្ឈមណ្ឌល Sacrifice Families and Orphans Development Association Centre ក្នុងទីក្រុងភ្នំពេញ ដើម្បីសួរសុខទុក្ខ និងចែករំលែកដល់កុមារក្រីក្រ។ ដំណើរសួរសុខទុក្ខនោះគឺជាផ្នែកមួយនៃកិច្ចខិតខំប្រឹងប្រែងរបស់ស្ថានទូតក្នុងការលើកកម្ពស់ កម្មវិធី «យើងយកចិត្តទុកដាក់ និងចែករំលែក» ដែលជាបុព្វហេតុសង្គមមួយដើម្បីជួយដល់ប្រជាជនក្រីក្រ។ ក្នុងដំណើរទស្សនកិច្ចនោះមានការឧបត្ថម្ភសម្ភារផ្សេងៗដូចជាសម្ភារសម្រាប់ប្រើប្រាស់ក្នុងបន្ទប់ដេក សម្ភារប្រើប្រាស់ក្នុងបន្ទប់ទឹក សម្ភារកីឡា អាហារ នឹងម៉ាស់ដែលអាចប្រើប្រាស់ឡើងវិញបាន។ មជ្ឈមណ្ឌលនេះមានកុមារកំព្រាចំនួន ៤៦ នាក់៕ photos SUPPLIED