OPPO គឺជា​ក្រុមហ៊ុន​ទូរស័ព្ទ Smart Phone ឈាន​មុខ​គេ​ផង​ដែរ​ក្នុង​ពិភពលោក ដោយ​ក្នុង​រយៈពេល​ជាង 10 ឆ្នាំ​មក​នេះ OPPO បាន​ពង្រីក​ប្រតិបត្តិការ​របស់​ខ្លួន​ទាំង​នៅក្នុង​តំបន់ និង អន្តរជាតិ​ប្រមាណ​ជាង ៤០ ប្រទេស​រួច​ហើយ ដែល​មាន​មជ្ឈមណ្ឌល​ស្រាវជ្រាវ​ចំនួន 6 នៅ​ទូទាំង​ពិភពលោក និង​មជ្ឈមណ្ឌល​រចនា​អន្តរជាតិ​ប្រចាំ​នៅ​ទីក្រុង​ឡុងស៍ ដែល​មាន​ក្រុម​ការងារ​ប្រមាណ​ជាង 40.000 នាក់​ក្នុង​ការបង្កើត​គំនិត​ច្នៃប្រឌិត​ថ្មីៗ ក្នុង​ផលិតផល​ទូរស័ព្ទ​ថ្មី ដើម្បី​បំពេញ​សេចក្តី​ត្រូវការ​របស់​អតិថិជន​របស់​ខ្លួន​ឥត​ឈប់ឈរ​នៅ​ទូទាំង​ពិភពលោក។

នៅក្នុង​ឆ្នាំ 2019 នេះ​គឺជា​ឆ្នាំ​នៃ​ការ​ចាប់ផ្តើម​ទសវត្សន៍​ទី 2 នៃ​ដំណើរការ​ទូរស័ព្ទ​ចល័ត​របស់​ក្រុមហ៊ុន OPPO ដោយ​ក្រុមហ៊ុន​បាន​ធ្វើការ​ប្តូរ​ថ្មី​ដោយ Logo OPPO ពី​មុន​មាន Font អក្សរ​រាងស្លីម​បន្តិច​នោះ​ទៅ​ជា Logo OPPO ថ្មី​ដែល​មាន Font អក្សរ​មូល​មាន​លក្ខណៈ​សាមញ្ញ និង​ងាយស្រួល​ចំណាំ ជាពិសេស​ការផ្លាស់ប្តូរ Logo ថ្មី​នេះ​ធ្វើ​ឡើង​ក្នុង​គោលបំណង​បង្ហាញ​នូវ​វប្បធម៌​ចម្រុះ ព្រម​ទាំង​បង្ហាញ​ពី​ភាពរីករាយ​ក្នុង​ការរស់នៅ​ប្រចាំ​ថ្ងៃ​របស់​មនុស្ស​មកពី​គ្រប់​ជាតិសាសន៍​ផង​ដែរ។

លើស​ពី​នេះ​ទៅ​ទៀត​ក្រុមហ៊ុន OPPO នឹង​បន្ត​បោះ​ជំហាន​របស់​ខ្លួន​ទៅ​រក​ទីផ្សារ​សកលភាវរូបនីយកម្ម​ឲ្យ​បាន​កាន់តែ​ឆាប់​រហ័ស ឲ្យ​កាន់តែ​ទូលំទូលាយ និង​បន្ស៊ី​គ្នា​ជាមួយ​នឹង​ផលិតផល​ថ្មីៗ​របស់​ខ្លួន​ដែល​កំពុង​ត្រៀម​បង្ហាញ​ខ្លួន​ក្នុង​ទីផ្សារ​សកល​គឺ Reno series ជាដើម ដូច្នេះ​តទៅ​ថ្ងៃ​ខាង​មុខ គ្រប់​ផលិតផល​ថ្មី​របស់ OPPO ទាំងអស់​នឹង​មក​ជាមួយ​នឹង Logo OPPO ថ្មី ជា​ទម្រង់​អក្សរ​មូល​ដូចគ្នា​ទៅ​នឹង​ការបង្កើត Brand Image ដែល​ថ្មី និង Creative ពី​សំណាក់​ក្រុម​មនុស្ស​ដែល​មាន​គំនិត​ថ្នៃប្រឌិត​គ្មាន​ដែន​កំណត់​ទាំងនោះ។ ក្រោយ​ពី​ទទួល​បាន​ភាពជោគជ័យ​ក្នុង​ការចែកចាយ​ម៉ូឌែល​ចុងក្រោយ​ត្រកូល F ទាំង​នៅ​ប្រទេស​កម្ពុជា និង​បណ្តាល​ប្រទេស​អភិវឌ្ឍន៍ និង កំពុង​អភិវឌ្ឍន៍​នានា​លើ​សកលលោក​រួច​មក នៅ​ថ្ងៃ​នេះ​ក្រុមហ៊ុន OPPO ប្រចាំ​នៅ​ប្រទេស​កម្ពុជា​បាន​បញ្ចេញ​នូវ​ទូរស័ព្ទ​ស៊េរី​ថ្មី​មួយ​ម៉ូឌែល​ទៀត​ដែល​មាន​ឈ្មោះ​ថា OPPO Reno 10X Hybrid Zoom ដែល​ជា​ស្មាតហ្វូន​កំពុង​តែ​ធ្វើឲ្យ​មាន​ភាពកក្រើក​ខ្លាំង ទាំង​នៅ​តំបន់​អាស៊ី នៅ​ប្រទេស​ចិន និង នៅ​តំបន់​អ៊ឺរ៉ុប ដោយ​ម៉ូឌែល​នេះ​បាន​បំពាក់​នូវ​បច្ចេកវិទ្យា 60X Digital Zoom ដែល​កំពុង​តែ​ទទួល​បាន​ការចាប់​អារម្មណ៍​ខ្លាំង​ពី​សំណាក់​អ្នកប្រើប្រាស់​ទូរស័ព្ទ​ដែល​ក្នុង​នោះ OPPO Reno 10X Hybrid Zoom កំពុង​តែ​បាន​ឆក់​យក​បេះដូង​ក្រុម​ជំនាញ​អ្នក​ថតរូប ឬ Professional Photographers ល្បីៗ​ជាច្រើន​នៅ​លើ​ពិភពលោក​មក​ចាប់​អារម្មណ៍​លើ​ម៉ូឌែល​នេះ ព្រោះ​វា​ជា​ប្រភេទ​ទូរស័ព្ទ​ដែល​អាច​ប្រើប្រាស់​ក្នុង​ការថតរូប​ដូច Camera 4K ក្នុង​ការថតរូប​សន្លឹក និង​រូបភាព​វីដេអូ ព្រម​ទាំង​អាច​មាន​សមត្ថភាព​ផលិត​ឯកសារ​តូច​ធំ​បាន​យ៉ាង​ងាយស្រួល។ លើស​ពី​នេះ​ទៅ​ទៀត OPPO បាន​នឹង​ដំណើរការ​បច្ចេកវិទ្យា 5G លើ​ស៊េរី​ទូរស័ព្ទ Reno មាន​ដូច Reno 5G, Reno 10X Hybrid Zoom និង Reno Model ផង​ដែរ ដែល​ទាំងអស់​នេះ​សុទ្ធតែ​គុណសម្បត្តិ​នៃ​ការវិវឌ្ឍន៍​ខ្លួន​ដ៏ទំនើប និង​ចុងក្រោយ​បំផុត​របស់​ក្រុមហ៊ុន OPPO។

សូមបញ្ជាក់​ថា លក្ខណៈពិសេស​របស់​ស្មាតហ្វូន OPPO Reno 10X Hybrid Zoom មាន​សេនស័រកាមេរ៉ា ៣ គ្រាប់​នៅ​ផ្នែក​ខាងក្រោយ​ដូចជា សេនស័រ​លើ​កាមេរ៉ា​ទំហំ 48MP ជា​កាមេរ៉ា​ដើម +13MP ដែល​ជា Len កាមេរ៉ា​ប្រភេទ Telephoto+8MP សម្រាប់​ជំនួយ​លើ​ការថតរូប​ជា​លក្ខណៈ Ultra-Wide Angle បន្ថែម​ទៀត ចំណែកឯ Len ប្រភេទ Periscope អាច​ធ្វើការ Zoom បាន​ដល់​ទៅ 10 ដង​នោះ​ក៏​មាន​ភ្ជាប់​មក​ជាមួយ​មុខងារ OIS (Optical Image Stabilization) ដើម្បី​កាត់បន្ថយ​ភាព​រំញ័រ​បាន​ផង​ដែរ ព្រោះ​វា​អាច​ធ្វើឲ្យ​រូបភាព​នៅ​តែ​រក្សា​លក្ខណៈ​ច្បាស់​ល្អ កាន់តែ Zoom កាន់តែ​ច្បាស់ ដូច្នេះ​កាន់តែ​លែង​មាន​បញ្ហា​ទៀត​ហើយ​លើ​ការ Zoom សម្រាប់​បច្ចេកវិទ្យា 60X Digital Zoom របស់ OPPO Reno 10X Hybrid Zoom។