ក្រុមហ៊ុនស្រាក្រហម Penfolds បានបង្ហាញមុខជាក្រុមហ៊ុនស្រាក្រហមលំដាប់ពិភពលោកអស់រយៈពេលជិត ១៧៥ ឆ្នាំមកហើយចាប់តាំងពីឆ្នាំ ១៨៤៤ បានលេចមុខជាលើកដំបូងនៅក្នុងតំបន់អាស៊ីអាគ្នេយ៍នៅក្នុងកម្មវិធីផលិតផល Penfolds ឆ្នាំ ២០១៨ ដែលប្រព្រឹត្តទៅនៅក្នុងទីក្រុងបាងកក។ វាត្រូវបានដឹកនាំដោយការដាក់បង្ហាញជាបន្តបន្ទាប់លើកទី ៦៤ នៃ Grange និងកម្មវិធីសំខាន់មួយដែលរៀបចំឡើងដោយប្រធានផលិតស្រាក្រហម Penfolds លោក Peter Gago។
លោក Peter Gago ថ្លែងនៅក្នុងពិធីទទួលទានអាហារថ្ងៃត្រង់នៅក្នុងទីក្រុងបាងកកថ្ងៃទី ២៥ ខែតុលាឆ្នាំ ២០១៨ ថា៖ «យើងបានឈរជើងនៅក្នុងតំបន់អាស៊ីអាគ្នេយ៍អស់រយៈពេល ១ ទសវត្សន៍ហើយនៅក្នុងថ្ងៃនេះ ខ្ញុំមានកិត្តិយសក្នុងការបើកបង្ហាញនៃផលិតផលប្រចាំឆ្នាំ ២០១៨ នៅក្នុងទីក្រុងបាងកកនេះ។ ផលិតផលស្រាក្រហម Penfolds ឆ្នាំ ២០១៨ នេះគឺជាសមិទ្ធផលទី ១៧៤ នៃការខិតខំប្រឹងប្រែង និងហេតុផលមួយទៀតគឺដើម្បីអបអរសាទរចំពោះការសម្រេចបាននូវលទ្ធផលនេះ»។
សម្រាប់ផលិតផលប្រចាំឆ្នាំ ២០១៨ នេះរួមមានស្រាក្រហម ១៧ ប្រភេទដែលត្រូវដាក់លក់លើទីផ្សារជាង ៧០ ប្រទេសនៅជុំវិញពិភពលោក។
បើតាមលោក Gerald Toh ដែលជាប្រធានគ្រប់គ្រងនៃទំនាក់ទំនងសាធារណៈប្រចាំតំបន់អាស៊ី អាគ្នេយ៍ មជ្ឈិមបូព៌ា និងអាហ្វ្រិក និងក្រុមហ៊ុន Global Travel Retail នៅក្នុងប្រទេសកម្ពុជា អតិថិជនអាចរកជាវផលិតផលស្រាក្រហម Penfolds បាននៅតាមទីកន្លែងដូចខាងក្រោម៖ផ្សារទំនើបឡាក់គី ផ្សារទំនើបបាយ័ន (១ និង ២) ផ្សារទំនើបអ៊ីអន (១ និង ២) ហាង សុវណ្ណារី ដ្រីងសប ផ្សារ ជា ស្រេងទ្រី ព្រមទាំង Skybar at Lumiere, Samba Elite TK ផ្ទះស្រាក្រហម ភោជនីយដ្ឋាន Stone Grill ភោជនីយដ្ឋាន Porkei Seafood ក្លិបកម្សាន្ត Sound និង DOS Phnom Penh ដែលបាននាំចូលផ្ទាល់ពីក្រុមហ៊ុនផលិតស្រាក្រហមតាមរយៈអ្នកចែកចាយក្នុងតំបន់ និងដៃគូដែលមានទីតាំងនៅក្នុងប្រទេសសិង្ហបុរី។ រូបថត ហុង រស្មី