.jpg)
តំណាងជាន់ខ្ពស់របស់កាសែតភ្នំពេញប៉ុស្តិ៍ និងក្រុមហ៊ុនផ្សារមូលបត្រកម្ពុជា (CSX) កាលពីថ្ងៃទី ៣ ខែធ្នូ បានចូលជួបសម្តែងការគួរសមជាមួយកំពង់ផែស្វយ័តភ្នំពេញ (PPAP) ដើម្បីពិភាក្សាអំពីកិច្ចសហប្រតិបត្តិការនាពេលអនាគត។ កិច្ចសហប្រតិបត្តិការបែបនេះគឺមានគោលបំណងជួយដល់កំណើនរបស់ CSX ដើម្បីជាផលប្រយោជន៍ដល់សេដ្ឋកិច្ច អាជីវកម្ម និងប្រជាជននៃប្រទេសកម្ពុជា។ នាយកប្រតិបត្តិ កាសែតភ្នំពេញប៉ុស្តិ៍ លោក James Ong និងអគ្គនាយករងនៃក្រុមហ៊ុនផ្សារមូលបត្រកម្ពុជា លោក Jong Weon Ha បានជួបពិភាក្សាការងារជាមួយឯកឧត្តម Hei Bavy ប្រធាន និងជានាយកប្រតិបត្តិនៃកំពង់ផែស្វយ័តភ្នំពេញ នៅឯការិយាល័យរបស់លោក។ ប្រធានបទនៃកិច្ចពិភាក្សានោះរួមមានកិច្ចខិតខំប្រឹងប្រែងដើម្បីលើកកម្ពស់ទីផ្សារមូលបត្រកម្ពុជា ក៏ដូចជាសេវាកម្ម និងផលិតផលរបស់ PPAP ។ PPAP ក៏បានសង្កត់ធ្ងន់លើកិច្ចខិតខំប្រឹងប្រែងដែលខ្លួនកំពុងធ្វើដើម្បីបន្ធូរបន្ថយការចំណាយរបស់ក្រុមហ៊ុនដឹកជញ្ជូនក្នុងអំឡុងពេលដ៏លំបាកនេះ ហើយក៏បានថ្លែងប្រាប់កាសែតភ្នំពេញប៉ុស្តិ៍អំពីផែនការអភិវឌ្ឍន៍នាពេលអនាគតផងដែរ៕ រូបថត ហុង មិនា
