The Phnom Penh Post Search

Search form




Logo of Phnom Penh Post newspaper Phnom Penh Post - កាសែត​ភ្នំពេញ​ប៉ុស្តិ៍​ចុះ MoU ជាមួយ​គណៈកម្មការ​មូលបត្រ​កម្ពុជា ដើម្បី​លើកកម្ពស់​ទីផ្សារ​មូលបត្រ




កាសែត​ភ្នំពេញ​ប៉ុស្តិ៍​ចុះ MoU ជាមួយ​គណៈកម្មការ​មូលបត្រ​កម្ពុជា ដើម្បី​លើកកម្ពស់​ទីផ្សារ​មូលបត្រ

កាសែត​ភ្នំពេញ​ប៉ុស្តិ៍ និង​គណៈកម្មការ​មូលបត្រ​កម្ពុជា (SECC) កាលពី​ថ្ងៃទី​ ៨ ខែឧសភា បាន​ចុះហត្ថលេខា​លើ​អនុស្សរណៈ​នៃ​ការយោគយល់​គ្នា (MoU) មួយ​ក្នុង​ការបើកផ្លូវ​សម្រាប់​កិច្ចសហការ​ដ៏រឹងមាំ​ដើម្បី​ជំរុញ​ការរីកចម្រើន​នៃ​ទីផ្សារ​មូលបត្រ​របស់​ព្រះរាជាណាចក្រ​កម្ពុជា​។ Mou នោះ​ត្រូវបាន​ធ្វើឡើង​នៅ​ទីស្នាក់ការ​របស់ SECC ដែលមាន​ទីតាំងនៅ​ខណ្ឌទួលគោក រាជធានី​ភ្នំពេញ និង​ត្រូវ​បាន​ចុះហត្ថលេខា​ដោយ​អគ្គនាយក SECC និង​អគ្គនាយក​កាសែត​ភ្នំពេញ​ប៉ុស្តិ៍​។ គណៈប្រតិភូ​ដែល​មាន​វត្តមាន​នៅក្នុង​ពិធី​ចុះ MoU នោះ​រួមមាន​វត្តមាន​របស់​ឯកឧត្តម ស៊ូ សុជាតិ អគ្គនាយក គណៈកម្មការ​មូលបត្រ​កម្ពុជា លោក លី តៃសេង ចាងហ្វាង និង​អគ្គនាយក​កាសែត​ភ្នំពេញ​ប៉ុស្តិ៍ លោក James Ong Soon Teck នាយក​ប្រតិបត្តិ កាសែត​ភ្នំពេញ​ប៉ុស្តិ៍ និង​លោក Joshua Purushotman និពន្ធ​នាយក​កាសែត​ភ្នំពេញ​ប៉ុស្តិ៍​។ អ្នកតំណាង​មកពី​ភាគី​ទាំង​ ២០ ​ប្រមាណ​ ២០ ​នាក់​បាន​ចូលរួម​ក្នុង​ពិធី​នោះ ហើយ​ក៏​មាន​ការពិសា​អាហារ​ថ្ងៃត្រង់​រួមគ្នា​ផងដែរ​៕ រូបថត ហ៊ាន រង្សី