.jpg)
នៅមុនដំណាច់ឆ្នាំ ២០១៩ កាសែតភ្នំពេញ ប៉ុស្តិ៍ ក្រុមហ៊ុន HBS Law និងក្រុមហ៊ុន HBS Notary Public បានរួមគ្នារៀបចំពិធីជប់លៀងប្រចាំឆ្នាំដ៏រីករាយសម្រាប់បុគ្គលិករបស់ខ្លួន។ បុគ្គលិក និងមនុស្សជាទីស្រឡាញ់របស់ពួកគេបានចូលរួមក្នុងពិធីជប់លៀងទទួលទានអាហារពេលល្ងាចដ៏ពិសេសនេះដែលត្រូវបានប្រារព្ធធ្វើឡើងនៅឯស្រុកកំណើតរបស់អគ្គនាយកកាសែតភ្នំពេញ ប៉ុស្តិ៍ លោក លី តៃសេង នៅឯខេត្តកណ្តាលកាលពីថ្ងៃទី ២៨ ខែធ្នូ។ ពិធីជប់លៀងដ៏អធិកអធមនេះមានម្ហូបអាហារ និងភេសជ្ជៈដ៏ឈ្ងុយឆ្ងាញ់ ព្រមទាំងការរាំកម្សាន្តសប្បាយ និងការចាប់ឆ្នោតយករង្វាន់ដែលបុគ្គលិកទាំងអស់សុទ្ធតែបានឈ្នះរង្វាន់គ្រប់ៗគ្នា។ លោកអគ្គនាយកក៏បានថ្លែងអំណរគុណដល់ម្ចាស់ឧបត្ថម្ភទាំងអស់ដែលបានចូលរួមឧបត្ថម្ភដល់កម្មវិធីនេះដែលបានញុំាងឲ្យកម្មវិធីជប់លៀងមុនបំណាច់ឆ្នាំនេះកាន់តែពោរពេញដោយភាពសប្បាយរីករាយ និងភាពស្និទ្ធស្នាល៕ រូបថត ហុង មិនា និង ហ៊ាន រង្សី
