ម្ចាស់មេដាយមាសតេក្វាន់ដូ កីឡាការិនី ស៊ន សៀវម៉ី ត្រូវបានតែងតាំងជាទូតសុច្ឆន្ទៈរបស់ធនាគារ កាណាឌីយ៉ា សម្រាប់ឆ្នាំ ២០២១ កាលពីថ្ងៃពុធសប្តាហ៍មុន។ នៅក្នុងពិធីចុះហត្ថលេខានោះ នាយកប្រតិបត្តិធនាគារ កាណាឌីយ៉ា លោក Raymond Sia មានប្រសាសន៍ថា៖ «គុណតម្លៃមួយរបស់យើងនៅក្នុងធនាគារ កាណាឌីយ៉ា គឺជំរុញឱ្យមានដំណើរការកាន់តែល្អប្រសើរ ហើយធនាគារក៏លើកកម្ពស់ការរស់នៅប្រកបដោយសុខភាពល្អទាំងសម្រាប់អតិថិជន និងនិយោជករបស់យើងផងដែរ»។ កីឡាការិនី សៀវម៉ី បានបន្ថែមថា៖ «ខ្ញុំមានមោទនភាពណាស់ដែលត្រូវបានជ្រើសរើសធ្វើជាទូតសុច្ឆន្ទៈរបស់ធនាគារ កាណាឌីយ៉ា។ តាមរយៈគុណតម្លៃ និងភាពជាអ្នកដឹកនាំដ៏ឈ្លាសវៃរបស់អ្នកឧកញ៉ាបណ្ឌិត ពុង ឃាវសែ ប្រធានក្រុមប្រឹក្សាភិបាលធនាគារ កាណាឌីយ៉ា តែងតែបានជំរុញលើកទឹកចិត្តខ្ញុំឱ្យចូលរួមចំណែកដល់ការរស់នៅរបស់ប្រជាជនកម្ពុជាឱ្យមានសុខភាពកាន់តែល្អប្រសើរ»៕ រូបថត សហការី