.jpg)
កាលពីថ្ងៃសៅរ៍ ទី២១ ខែកុម្ភៈ មានការហែក្បួនដង្ហែអាយ៉ងក្រដាសខ្នាតធំដែលរៀបចំដោយ Giant Puppet Project ដោយក្បួននេះហែចេញពីបរិវេណផ្សារចាស់ បន្តហែជុំវិញទីក្រុងតាមដងស្ទឹងសៀមរាប រហូតដល់សួនវិមានឯករាជ្យ ដែលនៅទល់មុខសណ្ឋាគារ Raffles Grand Hotel d’Angkor នៃទីក្រុងសៀមរាប ខេត្តសៀមរាប។ កម្មវិធីនេះមានមនុស្សរាប់ពាន់នាក់ បានឈរប្រជ្រៀតគ្នាទស្សនាក្បួនរូបអាយ៉ងធំៗដែលមានទាំងចលនា ការបន្លឺសំឡេង និងបំភ្លឺដោយអំពូលភ្លើងអគ្គិសនី ហើយព្រឹត្តិការណ៍ Giant Puppet Project បានផ្តល់ឱកាសដល់កុមារកម្ពុជាជាង ៦០០ នាក់បាននាំយកនូវស្នាដៃរបស់ពួកគេមកចូលរួមដង្ហែដោយក្តីរីករាយ៕ រូបថត ហុង មិនា
