ពិធីចុះអនុស្សរណៈយោគយល់គា្នស្តីអំពីកិច្ចសហប្រតិបត្តិការវិនិយោគនៅកម្ពុជារវាងក្រុមហ៊ុន One Belt and One Road International Barter Operation CO.,Limited និងក្រុមហ៊ុន Smile Sheen International CO.,Ltd រួមជាមួយនឹងក្រុមហ៊ុន Green Cambodia Property Investment Co., Ltd បានប្រារព្ធឡើងនៅសណ្ឋាគារ សាន់វេ កាលពីថ្ងៃទី ៧ ខែកញ្ញា ឆ្នាំ ២០១៨។
ដោយមានការចូលរួមពីសំណាក់លោកស្រី ហ៊ុន សេងនី, លោក ជ្រា សុចិន្តា រដ្ឋលេខាធិកាទីស្តីការគណៈរដ្ឋមន្រី្តទទួលបន្ទុកហិរញ្ញវត្ថុ និងធនាគារ, អ្នកឧកញ៉ា ឡាញ់ ភារ៉ា តំណាងក្រុមហ៊ុនគ្រីនខេមបូឌា អ៊ិនវេសមិន ឯ.ក, លោក FU CHANGCHENG តំណាងក្រុមហ៊ុនឆាយណា វ័នបែល អេន វ័នរូត អ៊ិនធើនេសិនណល បាធើ អូបផើរេសិន ឯ.ក និងលោក សយ ប៊ុនធឿន តំណាងក្រុមហ៊ុនស្មាលល៍ ស៊ីនអ៊ិនធើនេសិនណល (ខេមបូឌា)។
គោលបំណងនៃអនុស្សរណៈយោគយល់គា្ននេះគឺដើម្បីផ្តល់ក្របខ័ណ្ឌ និងជួយសម្រួលដល់កិច្ចសហប្រតិបត្តិការនៅក្នុងចំណោមគូភាគីដោយផ្អែកលើមូលដ្ឋានផ្តាច់មុខនៅក្នុងគម្រោងលើវិស័យប្រតិបត្តិការដូចជា៖
តំបន់ពាណិជ្ជកម្មសេរី ផ្លូវមួយ និងខ្សែក្រវាត់មួយ (កម្ពុជា-ចិន) គម្រោងឧទ្យានជីវៈចម្រុះ រ៉ែ ថាមពលកែច្នៃ ឧទ្យានឧស្សាហកម្មហិរញ្ញវត្ថុ គម្រោងហេដ្ឋារចនាសម្ព័ន្ធ ការលើកកម្ពស់ និងអភិវឌ្ឍវិស័យទេសចរណ៍កម្ពុជា គម្រោងសហប្រតិបត្តិការកីឡាអន្តរជាតិ និងការនាំចេញផលិតផលកសិកម្មទៅកាន់ទីផ្សារប្រទេសចិនជាដើម៕ រូបថត ហុង មិនា