.jpg)
បេសកកម្មពាណិជ្ជកម្មមកពីប្រទេសម៉ាឡេស៊ីដែលមានក្រុមហ៊ុនចំនួន ២៥ បានធ្វើទស្សនកិច្ចស្វែងយល់អំពីឱកាសអាជីវកម្មនៅកម្ពុជាកាលពីថ្ងៃទី ៧-៩ ខែតុលាកន្លងទៅ។
សាជីវកម្មអភិវឌ្ឍន៍ពាណិជ្ជកម្មក្រៅប្រទេសម៉ាឡេស៊ី ឬ MATRADE បានរៀបចំដំណើរទស្សនកិច្ចក្រោមប្រធានបទ «បេសកកម្មបង្កើនល្បឿននាំចេញមកកាន់ប្រទេសកម្ពុជា» ដែលមានតំណាងចំនួន ៣៩ នាក់មកពីវិស័យចំនួន ៦ ផ្សេងគ្នាដូចជាវិស័យ ម្ហូបអាហារ និងភេសជ្ជៈ ថែទាំសុខភាព សំណង់ គ្រឿងយន្ត បរិក្ខារពេទ្យ និងឱសថបានចូលរួមនៅក្នុងដំណើរទស្សនកិច្ចនេះ។ ឯកអគ្គរាជទូតម៉ាឡេស៊ីប្រចាំកម្ពុជាឯកឧត្តម Eldeen Hasaini Mohd Hashim ក៏បានថ្លែងស្វាគមន៍ និងជម្រាបពីព័ត៌មានមួយចំនួនទៅកាន់គណៈប្រតិភូនៅស្ថានទូតម៉ាឡេស៊ីផងដែរ៕ រូបថត សហការី
