The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន​អចលនទ្រព្យ​លំដាប់​កំពូល​ Agile បើក​សម្ពោធ​​គម្រោង​អគារ Sky Residence ក្នុង​រាជធានី​ភ្នំពេញ

ក្រុមហ៊ុន​អចលនទ្រព្យ​លំដាប់​កំពូល​ Agile បើក​សម្ពោធ​​គម្រោង​អគារ Sky Residence ក្នុង​រាជធានី​ភ្នំពេញ

នៅ​ថ្ងៃ​ទី​ ៤ ខែ​កក្កដា ឆ្នាំ​ ២០១៩ ក្រុមហ៊ុន Agile Group Holdings Limited ដែល​ជា​ក្រុមហ៊ុន​អភិវឌ្ឍ​វិស័យ​អចលនទ្រព្យ វិនិយោគ គ្រប់គ្រង​ប្រតិបត្តិការ​សណ្ឋាគារ គាំទ្រ​ការការពារ​បរិស្ថាន និង​មុខ​ជំនួញ​ជាច្រើន​នៅក្នុង​ប្រទេស​ចិន បាន​ប្រកាស​បើក​ដំណើរការ​គម្រោង​សាងសង់​អគារ​ទំនើប Sky Residence ជា​ផ្លូវការ​នៅ​រាជធានី​ភ្នំពេញ​។ អគារ Agile Sky Residence មាន​ទីតាំង​នៅ​សង្កាត់​បឹងកេងកង ខណ្ឌ​ចំការមន រាជធានី​ភ្នំពេញ​ដែល​ជា​តំបន់​ប្រជុំជន និង​ហ៊ុមព័ទ្ធ​ដោយ​ស្ថាប័ន​សំខាន់ៗ​ដូចជា​ស្ថានទូត​នានា អង្គការ និង​គ្រឹះស្ថាន​ចម្រុះ​ជាតិសាសន៍​ជាច្រើន​។ Agile Sky Residence នឹង​បំពាក់​ដោយ​សម្ភារ​បរិក្ខារ​ទំនើបៗ និង​ទីកម្សាន្ត​នានា ដើម្បី​ផ្តល់​ជូន​នូវ​ការរស់នៅ​ដ៏ទាន់សម័យ ដែល​រួម​មាន​សួនច្បារ Sky Garden ចំនួន​ ៤ ស្កាយបារ៍ ស្កាយក្លិប ហាង​កាហ្វេ មណ្ឌល​កម្សាន្ត​កុមារ បណ្ណាល័យ និង​ក្លិប​ហាត់ប្រាណ​ជាដើម​។ ថ្នាក់ដឹកនាំ​ក្រុមហ៊ុន Agile បាន​ថ្លែង​ថា​កិច្ចសហប្រតិបត្តិការ​រវាង​ក្រុមហ៊ុន Agile Group Holdings Limited និង​ក្រុមហ៊ុន Naki Group នៅក្នុង​គម្រោង​នេះ គឺ​ដើម្បី​ផ្តល់​ជូន​នូវ​បែបផែន​នៃ​ការរស់នៅ​ដែល​មាន​ភាពងាយស្រួល​ដល់​ម្ចាស់​លំនៅឋាន​ទាំងអស់ ហើយ​និង​កិច្ចខិតខំ​ប្រឹងប្រែង​ដើម្បី​បង្កើត​នូវ​បរិយាកាស​រស់នៅ​ដ៏អស្ចារ្យ និង​ទាន់សម័យ​នៅក្នុង​ប្រទេស​កម្ពុជា​៕ រូបថត ហេង ជីវ័ន