ការិយាល័យសាខាថ្មីនៅខេត្តព្រះសីហនុក្រុមហ៊ុន មេនូឡាយហ្វ៍ បានពង្រីកអាជីវកម្មរបស់ខ្លួនយ៉ាងឆាប់រហ័សដោយនេះជាការបើកសម្ពោធការិយាល័យថ្មីទី ៦ ហើយរបស់ក្រុមហ៊ុនបន្ទាប់ពីការធ្វើអាជីវកម្មរយៈពេល ៦ ឆ្នាំរបស់ក្រុមហ៊ុននៅកម្ពុជា។ ការិយាល័យដំបូងរបស់ក្រុមហ៊ុនត្រូវបានបើកដំណើរការកាលពីឆ្នាំ ២០១២ នៅរាជធានីភ្នំពេញ បន្ទាប់មកនៅខេត្តសៀមរាបក្នុងឆ្នាំ ២០១៤ ខេត្តបាត់ដំបងក្នុងឆ្នាំ ២០១៥ ខេត្តកំពង់ចាមក្នុងឆ្នាំ ២០១៦ និងខេត្តបន្ទាយមានជ័យកាលពីដើមឆ្នាំ ២០១៨ នេះ។
ការពង្រីកវិសាលភាពអាជីវកម្មគឺជាយុទ្ធសាស្ត្ររបស់ក្រុមហ៊ុនដើម្បីផ្តល់ជូនការការពារហិរញ្ញវត្ថុ និងបរិយាប័ន្នហិរញ្ញវត្ថុដល់គ្រួសារកម្ពុជាដែលរស់នៅក្រៅរាជធានីភ្នំពេញ ហើយនេះក៏ស្របគ្នាទៅនឹងយុទ្ធសាស្ត្ររបស់រាជរដ្ឋាភិបាលកម្ពុជាក្រសួងសេដ្ឋកិច្ច និងហិរញ្ញវត្ថុ និងធនាគារជាតិនៃកម្ពុជាផងដែរ។