.jpg)
កាលពីថ្ងៃទី ២៥ ខែមិថុនា ឆ្នាំ ២០១៩ ក្រុមហ៊ុន សាំងយ៉ុង បានដាក់បង្ហាញរថយន្ត MUSSO GRAND ស៊េរីថ្មីដ៏ប្រណីតរបស់ខ្លួននៅសាខា Showroom របស់ក្រុមហ៊ុនដែលស្ថិតនៅលើមហាវិថីសហព័ន្ធរុស្ស៊ីក្នុងរាជធានីភ្នំពេញ។ នៅក្នុងពិធីដ៏អធិកអធមនោះទទួលបានការអញ្ជើញចូលរួមពីលោក Lee Jae Hoo នាយកប្រតិបត្តិក្រុមហ៊ុន SsangYong Cambodia និងភ្ញៀវកិត្តិយសជាច្រើនរូបទៀត។
SsangYong MUSSO GRAND ជារថយន្តស៊េរីថ្មីដ៏ប្រណីតបំពាក់ដោយបច្ចេកវិទ្យាទំនើប មានសុវត្ថិភាពខ្ពស់ ការរចនាទាំងផ្នែកខាងក្រៅ និងខាងក្នុងល្អឥតខ្ចោះ មានភាពធន់ និងរឹងមាំបំផុតដែលជារថយន្តទទួលបានជោគជ័យយ៉ាងខ្លាំងរបស់ក្រុមហ៊ុន SsangYong Motors ប្រចាំប្រទេសកូរ៉េ។ ម៉ូដែលថ្មីនេះក៏បានបង្ហាញពីសមិទ្ធផល និងការទទួលស្គាល់ជាសកលរបស់រថយន្ត SsangYong Musso ដែលមានប្រជាប្រិយភាពខ្ពស់ផងដែរ ដោយលក់អស់ជាង ៨០ ០០០ គ្រឿងនៅក្នុងប្រទេសកូរ៉េកាលពីឆ្នាំដើមឆ្នាំ ២០១៩ នេះ៕ រូបថតសហការី
