The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន អាយ អេស អាយ ស្ទៀល (ISI STEEL) ចែក​មួកសុវត្ថិភាព​ដល់​កុមារ​ដើម្បី​អបអរ​ទិវា​កុមារ​អន្តរជាតិ

ក្រុមហ៊ុន អាយ អេស អាយ ស្ទៀល (ISI STEEL) ចែក​មួកសុវត្ថិភាព​ដល់​កុមារ​ដើម្បី​អបអរ​ទិវា​កុមារ​អន្តរជាតិ

កាលពី​ថ្ងៃទី​ ៣១ ខែ​ឧសភា ឆ្នាំ​ ២០១៩ កន្លង​ទៅ​ក្រុមហ៊ុន​អាយ អេស អាយ ស្ទៀល (ISI STEEL) បាន​ចូលរួម​ចំណែក​យក​ចិត្ត​ទុកដាក់​ដល់​ប្អូនៗ​កុមារ ដោយ​បាន​ចែក​មួកសុវត្ថិភាព​ចំនួន​ ១៥០ ​មួក​ដល់​សិស្សានុសិស្ស​ដែល​កំពុង​សិក្សា​ក្នុង​សាលាបឋមសិក្សា​ស្ទឹងមានជ័យ​ក្នុង​សង្កាត់​ស្ទឹងមានជ័យ រាជធានី​ភ្នំពេញ​។

កម្មវិធី​ចែក​មួកសុវត្ថិភាព​ដល់​ប្អូនៗ​កុមារ​នេះ​ធ្វើ​ឡើង​ក្នុង​គោលបំណង​អបអរសាទរ​ទិវា​កុមារ​អន្តរជាតិ​ក៏ដូចជា​ផ្តល់​ចំណេះដឹង​ទាក់ទង​នឹង​ការការពារ និង​សារៈសំខាន់​ក្នុង​ការពាក់មួក​សុវត្ថិភាព​ដើម្បី​កាត់បន្ថយ​គ្រោះថ្នាក់​ចរាចរណ៍​ដែល​អាច​ប៉ះពាល់​ដល់​អាយុជីវិត ជាពិសេស​គឺ​ដើម្បី​បំផុស​គំនិត​ឲ្យ​ប្រជាជន​ខ្មែរ​ទាំងអស់​ផ្តោត​ការយក​ចិត្ត​ទុកដាក់​កាន់តែ​ខ្លាំង​លើ​សុវត្ថិភាព​របស់​កុមារ​តូចៗ​នៅពេល​ធ្វើ​ដំណើរ​តាម​ដងផ្លូវ​៕ រូបថត សហការី