The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន Futureworld ជាមួយ​នឹង​ហាង Premium Apple Store@ Vattanac Capital

ក្រុមហ៊ុន Futureworld ជាមួយ​នឹង​ហាង Premium Apple Store@ Vattanac Capital

កាលពី​ថ្ងៃ​សុក្រ​ ទី​១៦​ ខែ​មករា​ កន្លង​ទៅ​នេះ ​ក្រុមហ៊ុន Futureworld ដែល​ជា​សមាជិក​មួយ​នៃ​បណ្តា​ក្រុមហ៊ុន​របស់ Thakral Group ​និង​ជា​អ្នក​ឯកទេស​ក្នុង​បណ្តាញ​លក់​រាយ​ផលិតផល Apple នៅ​ក្នុង​តំបន់​អាស៊ី​ប៉ាស៊ីហ្វិក​បាន​បើក​សម្ពោធ​ហាង​ទំនិញ​លំដាប់​ខ្ពស់​របស់​ខ្លួន​នៅ​អគារ​វឌ្ឍនៈ​រាជធានី​ភ្នំពេញ​។ ​ក្រុមហ៊ុន Futureworld គឺជា​ក្រុមហ៊ុន​មាន​មូលដ្ឋាន​នៅ​ប្រទេស​សិង្ហបុរី​មួយ​ដែល​មាន​ហាង​លក់​ផលិតផល Apple ទូទាំង​ទ្វីប​អាស៊ី ដែល​មាន​ចំនួន​សរុប​៣៥​ទីតាំង ក្នុង​បណ្តា​ប្រទេស​ចំនួន​១០​រួម​មាន ហុងកុង វៀតណាម ឥណ្ឌា ម៉ាឡេស៊ី នេប៉ាល់ ហ្វីលីពីន បង់ក្លាដែស ស្រីលង្កា មីយ៉ាន់ម៉ា។ ក្រុមហ៊ុន Futureworld នឹង​ផ្តល់​ជូន​នូវ​គ្រប់​ផលិតផល Mac, iPad, iPhone និង iPod រួម​ជាមួយ​នឹង​សម្ភារ​ប្រើប្រាស់​បន្ទាប់​បន្សំ​ដ៏​សម្បូរ​បែប​ផង​ដែរ​។​ ក្រុមហ៊ុន Futureworld បាន​ចាប់​ផ្តើម​បើក​បម្រើ​ជូន​អតិថិជន​នៅ​ប្រទេស​កម្ពុជា​ក្នុង​ក្រប​ខ័ណ្ឌ​ជា​អ្នក​មាន​សិទ្ធិ​លក់​បន្ត (AAR) និង​អ្នក​មាន​សិទ្ធិ​ផ្តល់​សេវា Apple (AASP) នៅ​ខេត្ត​សៀមរាប ចាប់ តាំងពី​ឆ្នាំ​២០០៨ មក​ម្ល៉េះ ៕ រូប​ថត ឈឹម ស្រី​នាង និង ហុង មិនា