កាលពី​ព្រឹក​ថ្ងៃ​ទី ៨ ខែ​មីនា ឆ្នាំ​ ២០១៥ ក្រុមហ៊ុន G Gear ​និង​ក្រុមហ៊ុន LG Electronics បាន​ប្រារព្ធ​ពិធី​សម្ពោធ​សាខា​ថ្មី​មួយ​ទៀត​គឺ LG BRANDSHOP ប្រចាំ ខេត្ត​ព្រះសីហនុ​ក្នុង​គោលបំណង​ចម្បង​បំផុត​ដើម្បី​នាំ​យក​ផលិតផល​ដ៏ទំនើប​បំផុត​មក​ដាក់​បង្ហាញ​ និង​លក់​ជូន​អតិថិជន ព្រមទាំង​អ្នកប្រើប្រាស់​នៅក្នុង​តំបន់​នេះ​។ កម្មវិធី​នេះ​ ត្រូវ​បាន​ចូលរួម​ជា​អធិបតីភាព​ដ៏ខ្ពង់ខ្ពស់ ពី​សំណាក់​ឯកឧត្តម ឈិត សុខុន អភិបាល​នៃ​គណៈអភិបាល​ខេត្ត​ព្រះសីហនុ លោក​ឧកញ៉ា សុខ ពិសិដ្ឋ ប្រធាន​ប្រតិបត្តិ​ប្រចាំ​ក្រុមហ៊ុន G Gear Co.,Ltd ​លោក KIM SUNG JAE នាយក​គ្រប់គ្រង LG Electronics​ ប្រចាំ​ព្រះរាជាណាចក្រ​ថៃ​ព្រមទាំង​ភ្ញៀវកិត្តិយស​ជាតិ និង​អន្តរជាតិ​យ៉ាងច្រើន​កុះករ​៕ រូបថត សហការី