នៅថ្ងៃទី25 ខែឧសភា ក្រុមហ៊ុន Huawei Marine ដែលជាក្រុមហ៊ុនផ្គត់ផ្គង់ប្រព័ន្ធខ្សែកាបអ៊ុបទិកក្រោមបាតសមុទ្រ នៅទូទាំងពិភពលោកបានចុះហត្ថលេខាលើកិច្ចព្រមព្រៀងសាងសង់ និងថែទាំប្រព័ន្ធខ្សែកាបអ៊ុបទិកមួយជាមួយក្រុមហ៊ុន Telekom Malaysia Berhad (ម៉ាឡេស៊ី) ក្រុមហ៊ុន Symphony Communication Public(ថៃ) និងក្រុមហ៊ុន Telcotech (កម្ពុជា) ដើម្បីសាងសង់ប្រព័ន្ធខ្សែកាបអ៊ុបទិកក្រោមបាតសមុទ្រ ម៉ាឡេស៊ី-កម្ពុជា-ថៃ (MCT)។ ក្រុមហ៊ុន Huawei Marine នឹងដាក់ពង្រាយឧបករណ៍បង្កើនល្បឿនអ៊ុបទិក ដែលមានលក្ខណៈច្នៃប្រឌិតខ្ពស់អាចប្រើខ្សែរត់ដល់ទៅ៦គូ និងប្រើប្រាស់ប្រអប់ទីតាញ៉ូមតូចស្ដើង ដើម្បីកាត់បន្ថយការចំណាយលើប្រតិបត្តិការបានយ៉ាងច្រើនផ្សារភ្ជាប់ជាមួយនឹងការដាក់ពង្រាយបណ្តាញនានាដែលអនុញ្ញាតឲ្យដាក់ពង្រាយបានច្រើនតភ្ជាប់គ្នាព្រមទាំងការកប់នៅក្រោមបាតសមុទ្រ៕ រូបថត ហេង ជីវ័ន