ភ្នំពេញ : ក្នុងថ្ងៃខួបកំណើតគម្រប់វ័យ២៩ឆ្នាំរបស់តារាសម្ដែង រតនៈ ពិសិដ្ឋ កាលពីថ្ងៃចន្ទកន្លងទៅនេះមានសិល្បករស្រីប្រុសចូលរួមអបអរយ៉ាងច្រើន សូម្បីតែតារាសម្ដែងបាត់មុខពីពិភពសិល្បៈខ្លះក៏បានបង្ហាញវត្តមានផងដែរ។ពិធីខួបកំណើតនៅភោជនីយដ្ឋានវី ហ្វ្រេន ក្រោយមន្ទីរពេទ្យកុមារជាតិនេះមានភ្ញៀវកិត្តិយសចូលរួមប្រមាណ២០០នាក់ ហើយនេះជាលើកទីពីរហើយដែលតារាសម្ដែង រតនៈ ពិសិដ្ឋ ជប់លៀងខួបកំណើតទ្រង់ទ្រាយធំដូច្នេះបន្ទាប់ពីលោកប្រឡូកក្នុងវិស័យសិល្បៈ។សម្រាប់ការចំណាយប្រាក់ធ្វើពិធីដែលមានតារាជាច្រើនជំនាន់ចូលរួមយ៉ាងអ៊ូអរនេះ រតនៈ ពិសិដ្ឋ បានអះអាងថា គឺថវិកាចេញពីហោប៉ៅរបស់លោកផ្ទាល់តែម្ដង៕ រូបថត និងអត្ថបទ ស៊ូ វុទ្ធី