ក្រុមហ៊ុនអាកាសចរណ៍ខេមបូឌាអ៊ែរវ៉េ កាលពីថ្ងៃព្រហស្បតិ៍បានរៀបចំការហោះហើរសប្បុរសធម៌សម្រាប់កុមារកំព្រាចំនួន ៥៥ នាក់មកពីមណ្ឌលកុមារកំព្រាចំនួន ២ ដើម្បីផ្តល់បទពិសោធជិះយន្តហោះសម្រាប់ពួកគេ។ ក្មេងៗ និងគ្រូរបស់ពួកគេមកពីមជ្ឈមណ្ឌលកុលាប ៤ និងមជ្ឈមណ្ឌលកុមារកំព្រាភ្នំពេញថ្មី ពួកគេបានរីករាយជាមួយនឹងការហោះហើររយៈពេល ១ ម៉ោង ដែលបានហោះចេញពីអាកាសយានដ្ឋានអន្តរជាតិភ្នំពេញ ហើយហោះហើរទស្សនាពីលើអាកាសជុំវិញខេត្តព្រះសីហនុតាមជើងហោះហើរ KR 2021។ កម្មវិធីហោះហើរសប្បុរសធម៌នេះបានប្រព្រឹត្តទៅដោយជោគជ័យ ដោយមានការគាំទ្រពីព្រលានយន្តហោះកម្ពុជា ក្រុមហ៊ុនធានារ៉ាប់រងទូទៅ CB, ក្រុមហ៊ុន WowNow App ក្រុមហ៊ុន First Unite Travel and Tour ក្រុមហ៊ុន FUN Entertainment ក្រុមហ៊ុន Cambodian Express និងក្រុមហ៊ុន Gold Zone Media៕ photoS SUPPLIED
