ក្រុមហ៊ុន Goldfame Group ដែលមានមូលដ្ឋាននៅទីក្រុងហុងកុងបានសម្ពោធផ្លូវការនូវគម្រោងលក់អគារខុនដូ Urban Village ដំណាក់កាលទី ២ របស់ខ្លួន បន្ទាប់ពីដំណាក់កាលទី ១ ត្រូវបានបញ្ចប់ និងលក់អស់ដោយជោគជ័យ។ ពិធីសម្ពោធជាផ្លូវការនេះត្រូវបានធ្វើឡើងនៅអគារតាំងបង្ហាញថ្មីរបស់ខ្លួននៅក្នុងមជ្ឈមណ្ឌលច្នៃប្រឌិត Factory Phnom Penh កាលពីថ្ងៃទី ២ ខែតុលា។ គម្រោងដ៏ធំនេះមានទីតាំងស្ថិតនៅតាមបណ្តោយផ្លូវជាតិលេខ ២ សង្កាត់ចាក់អង្រែលើ ខណ្ឌមានជ័យ។ ចំពោះគម្រោងដំណាក់កាលទី ២ នេះគឺមាន ៤ អគារដែលអគារនីមួយៗមានកម្ពស់ ៥១ ជាន់ ហើយគ្រោងនឹងបញ្ចប់នៅចុងឆ្នាំ ២០២២។ វាជាអគារខុនដូដ៏ទំនើប មានគុណភាពខ្ពស់ និងតម្លៃសមរម្យបំផុត។ ពិធីសម្ពោធដ៏រីករាយនោះទទួលបានការចូលរួមពីភ្ញៀវកិត្តិយសជាច្រើនរូប ហើយក៏មានការសម្តែងម៉ុងសាយ និងរបាំជូនពរផងដែរ៕ រូបថត ហុង មិនា