The Phnom Penh Post Search

Search form




Logo of Phnom Penh Post newspaper Phnom Penh Post - គ្រឹះស្ថាន​មីក្រូហិរញ្ញវត្ថុ​បាយ័ន​ក្រេឌីត ប្រកាស​ប្តូរ​ម្ចាស់​ភាគហ៊ុន​ថ្មី​ជា​ផ្លូវការ




គ្រឹះស្ថាន​មីក្រូហិរញ្ញវត្ថុ​បាយ័ន​ក្រេឌីត ប្រកាស​ប្តូរ​ម្ចាស់​ភាគហ៊ុន​ថ្មី​ជា​ផ្លូវការ

គ្រឹះស្ថាន​មីក្រូហិរញ្ញវត្ថុ​បាយ័ន​ក្រេឌីត​កាលពី​ថ្ងៃទី​ ១៩ ខែ​តុលា ឆ្នាំ​ ២០២០ បានប្រកាស​ប្តូរ​ម្ចាស់​ភាគហ៊ុន​ថ្មី​ជា​ផ្លូវការ បន្ទាប់ពី​ស្ថាប័ន​ក្នុងស្រុក​មួយ​នេះ​បាន​លក់​ភាគហ៊ុន​ ១០០% ​ទៅឱ្យ​ក្រុមហ៊ុន CHENG FUNG INVESTMENT(CFI) និង​ក្រុមហ៊ុន NETGOLD INVESTMENT (NETGOLD) ដែល​ការទិញ​លក់​នេះ​ធ្វើឡើង​តាំងពី​ថ្ងៃទី​ ២ ខែមីនា ឆ្នាំ​ ២០២០ និង​បាន​បិទ​បញ្ចប់​ការទិញ​លក់​នៅ​ថ្ងៃទី​ ១ ​ខែ​តុលា ឆ្នាំ​ ២០២០​។ ស្របពេល​ជាមួយ​គ្នា​នេះដែរ គ្រឹះស្ថាន​បាយ័ន​ក្រេឌីត​ក៏បាន​ធ្វើ​ពិធីសូត្រមន្ត​ក្រុង​ពាលី​ឡើង​អគារ​ការិយាល័យ​ថ្មី ដែល​មាន​អាសយដ្ឋាន​ស្ថិតនៅ​អគារ​លេខ​ ៣៤២ មហាវិថី ព្រះមុនីវង្ស កែង​ផ្លូវ​លេខ​ ២៨៨ សង្កាត់​បឹង​កេងកង​ទី​ ១ ខណ្ឌ​បឹងកេងកង រាជធានី​ភ្នំពេញ​។ អគារ​ថ្មី​នេះ​មាន​កម្ពស់ ១៩ ​ជាន់​សាងសង់​ឡើង​តាម​បទដ្ឋាន​ស្តង់ដា​ត្រឹមត្រូវ ហើយ​កន្លែង​បម្រើ​អតិថិជន​ធំ​ទូលាយ​ប្រកប​ដោយ​ផាសុកភាព និង​សុវត្ថិភាព​ប្រកប​ដោយ​ភាពទាក់ទាញ​ខ្ពស់​។ គ្រឹះស្ថាន​មីក្រូហិរញ្ញវត្ថុ​បាយ័ន ក្រេឌីត ម.ក ត្រូវ​បាន​បង្កើត​តាំងពី​ឆ្នាំ ២០១១ ហើយ​គិត​មកដល់​បច្ចុប្បន្ន​មាន​ការិយាល័យ​សាខា​ប្រតិបត្តិការ​ចំនួន​ ៦ ​កន្លែង​នៅតាម​បណ្តា​ខេត្ត​សំខាន់ៗ ដែល​មាន​អតិថិជន​ប្រាក់កម្ចី​ជាង ២ ៩៣២ នាក់ និង​មាន​បុគ្គលិក​កំពុង​បម្រើ​ការងារ​ជិត ១០០ ​នាក់​មាន​ដើមទុន​ចុះបញ្ជី​ថ្មី​ ៣ ​លាន​ដុល្លារ​អាមេរិក​៕ រូបថត សហការី