សិស្សប្រមាណ ៧០ នាក់មកពីតំបន់ជនបទបានទទួលអាហារូបករណ៍ពីកម្មវិធីការទទួលខុសត្រូវសង្គមរបស់គ្រឹះស្ថានមីក្រូហិរញ្ញវត្ថុ ចម្រើនដែលបានប្រារព្ធធ្វើឡើងនៅទីស្នាក់ការកណ្តាលរបស់គ្រឹះស្ថានមួយនេះនៅសង្កាត់ទួលទំពូងកាលពីថ្ងៃទី ៧ ខែតុលា។ នៅក្នុងពិធីផ្តល់អាហារូបករណ៍ប្រចាំឆ្នាំនោះមានសិស្សមកពីគ្រប់តំបន់ដែលមានសាខារបស់ខ្លួនទាំង ១៦ នៃរាជធានី-ខេត្ត ដែលអាហារូបករណ៍ទាំងនោះមានដូចជាហិរញ្ញវត្ថុ កង់ និងសម្ភារសិក្សាផ្សេងៗ។ នេះជាឆ្នាំទី ៦ ហើយដែលគ្រឹះស្ថានហិរញ្ញវត្ថុចម្រើនផ្តល់អាហារូបករណ៍បែបនេះ ហើយបើគិតរហូតមកដល់ពេលនេះមានសិស្សចំនួន ៦២៤ នាក់បានទទួលអាហារូបករណ៍ពីកម្មវិធីរបស់ខ្លួន៕ រូបថតសហការី