ដើម្បីរួមចំណែកក្នុងការអភិវឌ្ឍសហគមន៍ និងលើកកម្ពស់វិស័យអប់រំនៅកម្ពុជាកាលពីថ្ងៃទី ១១ ខែកុម្ភៈ ឆ្នាំ ២០២០ កន្លងទៅ ណុងហឹប ហ្វាយនែន បានរៀបចំកម្មវិធីបរិច្ចាគសម្ភារសិក្សាដល់សិស្សានុសិស្សចំនួន ២៨៧ នាក់ និងបរិក្ខារសម្រាប់ថ្នាក់រៀនដែលសរុបមានចំនួន ៨ បន្ទប់នៅសាលាបឋមសិក្សាព្រៃធំដែលស្ថិតនៅឃុំគោខ្ចក ស្រុកកំពង់ត្របែក ខេត្តព្រៃវែង។
ណុងហឹប ហ្វាយនែន មានមូលដ្ឋាន និងអាជីវកម្មធំជាងគេនៅប្រទេសកូរ៉េខាងត្បូង ហើយបានជ្រៀតចូលខ្លួនទៅក្រៅប្រទេសតាមរយៈសាខាបរទេសនៅសហរដ្ឋអាមេរិក និងវៀតណាម ស្ថាប័នមីក្រូហិរញ្ញវត្ថុនៅមីយ៉ាន់ម៉ា និងកម្ពុជា ហើយការិយាល័យតំណាងនៅប្រទេសចិន និងឥណ្ឌា។
បច្ចុប្បន្ន ណុងហឹប ហ្វាយនែន កំពុងប្រតិបត្តិការនៅរាជធានីភ្នំពេញ និងខេត្តចំនួន ១០ គឺខេត្តកណ្តាល កំពង់ស្ពឺ តាកែវ កំពត កែប ព្រះសីហនុ កំពង់ធំ ព្រៃវែង និងស្វាយរៀង ដើម្បីផ្តល់ជូនផលិតផល និងសេវាកម្មហិរញ្ញវត្ថុដល់ប្រជាជនកម្ពុជា។
លើសពីនេះទៀត ណុងហឹប ហ្វាយនែន មិនត្រឹមតែផ្តល់នូវផលិតផលហិរញ្ញវត្ថុប៉ុណ្ណោះទេ ថែមទាំងចូលរួមក្នុងកម្មវិធីជួយសង្គមជាច្រើនផងដែរ ក្នុងនោះរួមមាន អក្ខរកម្មហិរញ្ញវត្ថុ ការបណ្តុះបណ្តាលកសិកម្ម ការវេចខ្ចប់ចំណីអាហារ ការបរិច្ចាគជួយជាតិ និងសកម្មភាពសង្គមផ្សេងៗទៀតដែលជាការចូលរួមចំណែកភាពជាដៃគូក្នុងការអភិវឌ្ឍសង្គម និងសេដ្ឋកិច្ចនៅប្រទេសកម្ពុជា។
ហេតុដូច្នេះហើយ ណុងហឹប ហ្វាយនែន តែងតែរៀបចំសកម្មភាពសង្គមបែបនេះជាទៀងទាត់ ដើម្បីផ្តល់ជូនដល់សិស្សានុសិស្ស និងសហគមន៍ដែលជាតម្រូវការចាំបាច់បំផុតសម្រាប់ពួកគេ៕ រូបថត សហការី