.jpg)
កាលពីថ្ងៃទី ២០ ខែកញ្ញាកន្លងទៅនេះក្រុមហ៊ុនធានារ៉ាប់រងជីវិត អេ អាយ អេ (ខេមបូឌា) ឡាយហ្វ៍ អ៊ិនសួរេន ម.ក (“អេ អាយ អេ ខេមបូឌា”) បានបង្កើតជាផ្លូវមួយសម្រាប់ការដើរ និងការរត់ហាត់ប្រាណជាសាធារណៈ ។ “ផ្លូវរត់ AIA”
ត្រូវបានបង្កើតឡើងក្នុងគោលបំណងជួយជំរុញឲ្យប្រជាជនខ្មែរទទួលបានអត្ថប្រយោជន៍ពីការរស់នៅប្រកបដោយសុខភាពល្អ។
ដោយមិនចាំបាច់បារម្ភអំពីចរាចរណ៍ដ៏មមារញឹកនៅក្នុងទីក្រុង អ្នកដើរ និងអ្នករត់ទាំងឡាយអាចហាត់ប្រាណដោយមិនមានការរំខាន ហើយថែមទាំងមានការលើកទឹកចិត្តតាមរយៈបង្គោលស្លាកសញ្ញាបង្ហាញចំងាយផ្លូវរៀងរាល់ ៥០ ម៉ែត្រនៅលើផ្លូវរត់នេះ។ “ផ្លូវរត់ AIA” មានប្រវែងជាង ៨៥០ ម៉ែត្រ លាតសន្ធឹងតាមបណ្តោយច្រាំងទន្លេចតុមុខ ចន្លោះសាលសន្និសីទចតុមុខ និងកំពង់ចម្លង ភ្នំពេញ-អរិយក្សត្រ។ “ផ្លូវរត់ AIA” នេះ ស្វាគមន៍រាល់សាធារណជនជាទូទៅដោយមិនគិតថ្លៃ។
