SCIA បានចូលរួមនៅក្នុងពិព័រណ៍កុមារ និងគ្រួសារលើកទី ៦ ដែលរៀបចំដោយក្រុមហ៊ុន Anussa Events ។ ព្រឹត្តិការណ៍នេះត្រូវបានធ្វើឡើងនៅថ្ងៃទី ១៩ និង ២០ ខែមករា ឆ្នាំ ២០១៩ នៅឯសាលពិព័រណ៍កោះពេជ្រ។ គ្រួសារចំនួនជាង ៣០០ បានមកទស្សនាស្តង់ SCIA ហើយបានចូលរួមលេងល្បែងកម្សាន្តជាច្រើនដែលល្បែងកម្សាន្តទាំងនោះបានជួយអភិវឌ្ឍចំណេះដឹង និងគំនិតច្នៃប្រឌិតរបស់អ្នកចូលរួមតាមរយៈការពិសោធផ្ទាល់។
សកម្មភាពកម្សាន្តនៅស្តង់ SCIA រួមមានការសាងសង់រថយន្ដធ្វើពីកៅស៊ូ, ការធ្វើទូកកំប៉ុងអោយអណ្តែត ដោយប្រើម្ស៉ៅសូដា, ជញ្ជាំងវង្វេង, ការបង្កើតដីឥដ្ឋ (slime) និងការគូសគំនូរ 3D ។ សិស្សរបស់ SCIA ក៏បានបង្ហាញគម្រោង STEM របស់ពួកគេ និងបានពន្យល់ពីការស្រាវជ្រាវរបស់ពួកគេទៅកាន់អ្នកទស្សនាផងដែរ។ ការប្រកួតរៀបល្បែងថេងក្រាម (Tangram) ក៏ត្រូវបានធ្វើឡើងផងដែរនៅលើឆាកធំក្នុងកម្មវិធីទាំង ២ ថ្ងៃ។