.jpg)
ក្នុងពិធីអបអរសាទរទិវាសហគ្រិនស្រ្តីពិភពលោក ក្រោមប្រធានបទ ស្រ្តី និងហិរញ្ញវត្ថុ ដែលប្រារព្ធឡើងនៅទីក្រុងភ្នំពេញកាលពីថ្ងៃទី ១៧ ខែវិច្ឆិកា ឆ្នាំ ២០១៨ លោកស្រី អឹង កន្ថាផាវី រដ្ឋមន្រ្តីក្រសួងកិច្ចការនារីមានប្រសាសន៍ថា បើធៀបជាមួយប្រទេសក្នុងអាស៊ានមុនឆ្នាំ ២០១៤ ការចូលរួមសហគមន៍របស់ស្រ្តីខ្មែរមានតែ ៧៩ ភាគរយ និងឈរលើលេខទី ៤ បន្ទាប់ពីឡាវ វៀតណាម និងភូមា។ លោកស្រីបន្តថានាអាណត្តិថ្មីនេះ រដ្ឋាភិបាលបានដាក់ចេញគោលនយោបាយជាច្រើនក្នុងការអភិវឌ្ឍធនធានមនុស្ស និងលើកកម្ពស់ស្រី្ត។
ជាមួយគ្នានេះលោកស្រី អេង លីគង់ ប្រធានសមាគមសហគ្រិនស្រ្តីកម្ពុជា បានបញ្ជាក់ថាការរៀបចំកម្មវិធីនេះឡើងដើម្បីចង់ឲ្យឆ្លុះបញ្ចាំងដោយខ្លួនឯង អំពីរបៀបដែលស្ត្រីដើរតួនាទីយ៉ាងសកម្មនៅក្នុងជីវិតហិរញ្ញវត្ថុ គ្រាដែលពិភពលោកកំពុងផ្លាស់ប្តូរជានិច្ច ប៉ុន្តែអាកប្បកិរិយារបស់ស្ត្រីជាច្រើនចំពោះហិរញ្ញវត្ថុនៅតែត្រូវបានភ្ជាប់ទៅនឹងបទដ្ឋានវប្បធម៌ពីអតីត។
បច្ចុប្បន្នសមាគមសហគ្រិនស្ត្រីកម្ពុជាមានសមាជិកចំនួនជាង ៤០០ នាក់ដែលជាស្ត្រីកាន់កាប់ជំនួញធំៗ អាជីវកម្ម និងក្រុមហ៊ុនរបស់ស្ត្រីទាំងអស់ បានបង្កើតឱកាសការងារដល់មនុស្សប្រមាណជាង ១៥ ០០០ នាក់នៅតាមទីប្រជុំជននានាទូទាំងប្រទេសកម្ពុជា៕ ហុង មិនា
