.jpg)
កាលពីថ្ងៃទី ០១ តុលា ២០១៨ ក្រុមហ៊ុនអេឡិចត្រូនិក សូនីបានប្រកាសពីការនាំចូលមកកាន់ទីផ្សារប្រទេសកម្ពុជានូវបច្ចេកវិទ្យាទូរទស្សន៍ស៊េរីចុងក្រោយរបស់ខ្លួន ដើម្បីបំពេញសេចក្តីត្រូវការរបស់អតិថិជននៅកម្ពុជាដែលធ្វើឡើងនៅសណ្ឋាគារស៊ូហ្វីតែលភ្នំពេញ ភូគីត្រា ។
លោក Felix Foo អ្នកអភិវឌ្ឍន៍ផ្នែកទីផ្សារប្រចាំតំបន់នៃក្រុមហ៊ុនសូនីបានអោយដឹងថា ទូរទស្សន៍ស៊េរីថ្មីម៉ាក A9F របស់ក្រុមហ៊ុនសូនីដែលនឹងយកមកចែកចាយក្នុងប្រទេសកម្ពុជាគឺជាទូរទស្សន៍ស៊េរីចុងក្រោយរបស់ក្រុមហ៊ុនសូនី ។
ទូរទស្សន៍ ស៊េរីចុងក្រោយនេះដែរមានគុណភាពច្បាស់ជាងមុន ទាំងរូបភាព និងសម្លេងជាក់ស្ដែងទូរទស្សន៍នេះមានសម្លេងរហូតដល់ ៩៨ វ៉ាត់ឯណោះដូចនេះមានន័យវាមានសមត្ថភាពបញ្ចេញសម្លេងបានខ្លាំង ដែលបច្ចេកវិទ្យាមុនៗមិនមានឡើយ ។
លោកបន្តថា អតិថិជនដែលទិញទូរទស្សន៍ពីក្រុមហ៊ុនសូនី មិនមែនសំដៅតែលើផលិតផលទូរទស្សន៍នោះទេ តែពួកគេប្រៀបដូចជាបានទិញ ប្រែនសូនីទាំងមូលផងដែរ ពីព្រោះសូនីជាក្រុមហ៊ុនផលិតគ្រឿងអេឡិចត្រូនិកដែលល្បី និងមានកេរ្តិ៍ឈ្មោះនៅលើពិភពលោកយូរហើយ ដូចនេះបើសិនជាផលិតផលនេះវាមានតម្លៃខ្ពស់បន្តិចក៏ដោយ ក៏រំពឹងថាអតិថិជនកម្ពុជានឹងនៅតែជ្រើសរើសផលិតផលនេះ ដើម្បីយកទៅប្រើប្រាស់នៅតាមគេហដ្ឋានរបស់ពួកគាត់ផងដែរ ។ រូបថត៖ ហុង មិនា
