កាលពីថ្ងៃទី ០១ តុលា ២០១៨ ក្រុមហ៊ុនអេឡិចត្រូនិក សូនី បានប្រកាសពីការនាំចូលមកកាន់ទីផ្សារប្រទេសកម្ពុជានូវបច្ចេកវិទ្យាទូរទស្សន៍ស៊េរីចុងក្រោយរបស់ខ្លួន ដើម្បីបំពេញសេចក្តីត្រូវការរបស់អតិថិជននៅកម្ពុជា ដែលធ្វើឡើងនៅសណ្ឋាគារស៊ូហ្វីតែលភ្នំពេញ ភូគីត្រា។
លោក Felix Foo អ្នកអភិវឌ្ឍន៍ផ្នែកទីផ្សារប្រចាំតំបន់នៃក្រុមហ៊ុនសូនីបានឲ្យដឹងថា ទូរទស្សន៍ស៊េរីថ្មីម៉ាក A9F របស់ក្រុមហ៊ុនសូនី ដែលនឹងយកមកចែកចាយក្នុងប្រទេសកម្ពុជាគឺជាទូរទស្សន៍ស៊េរីចុងក្រោយរបស់ក្រុមហ៊ុនសូនី។ ទូរទស្សន៍ស៊េរីចុងក្រោយនេះមានគុណភាពច្បាស់ជាងមុន ទាំងរូបភាព និងសំឡេងជាក់ស្ដែងទូរទស្សន៍នេះមានសំឡេងរហូតដល់ ៩៨ វ៉ាត់ឯណោះ ដូចនេះមានន័យថាវាមានសមត្ថភាពបញ្ចេញសំឡេងបានខ្លាំងដែលបច្ចេកវិទ្យាមុនៗមិនមានឡើយ។
លោកបន្តថាអតិថិជនដែលទិញទូរទស្សន៍ពីក្រុមហ៊ុនសូនី មិនមែនសំដៅតែលើផលិតផលទូរទស្សន៍នោះទេ តែពួកគេប្រៀបដូចជាបានទិញ ប្រ៊ែនសូនីទាំងមូលផងដែរ ពីព្រោះសូនីជាក្រុមហ៊ុនផលិតគ្រឿងអេឡិចត្រូនិកដែលល្បី និងមានកេរ្តិ៍ឈ្មោះនៅលើពិភពលោកយូរហើយ ដូចនេះបើសិនជាផលិតផលនេះវាមានតម្លៃខ្ពស់បន្តិចក៏ដោយ ក៏រំពឹងថាអតិថិជនកម្ពុជានឹងនៅតែជ្រើសរើសផលិតផលនេះដើម្បីយកទៅប្រើប្រាស់នៅតាមគេហដ្ឋានរបស់ពួកគាត់ផងដែរ។ រូបថត ហុង មិនា