.jpg)
កាលពីល្ងាចថ្ងៃទី៤ ខែមេសា ឆ្នាំ២០១៥ ក្រុមហ៊ុន LG Electronics និង ក្រុមហ៊ុន G Gearដែលជាក្រុមហ៊ុនដៃគូយុទ្ធសាស្ត្រតែមួយគត់នៅក្នុងប្រទេសកម្ពុជាបានប្រកាសនាំមកលក់ជាផ្លូវការនូវទូរស័ព្ទដៃ LG AKA(អិលជី អាកា) ដែលជាទូរស័ព្ទដៃដំបូង មានភ្នែក និងចេះ បង្ហាញពីអារម្មណ៍បានថែមទៀតផង។ កម្មវិធីនេះធ្វើនៅ Major Cineplex ផ្សារទំនើប Aeon Mall ដោយមានការចូលរួមគាំទ្រជាច្រើនពីក្រុមយុវវ័យ។ទូរស័ព្ទដៃ LG AKA មានភ្នែកផុសឡើងនៅលើអេក្រង់មុខនៃទូរស័ព្ទ ហើយខ្សែភ្នែកទាំងនោះបានបង្ហាញនូវភាពគួរឲ្យចាប់អារម្មណ៍ និងគួរឲ្យអស់សំណើចយ៉ាងពិសេស។ ភ្នែកដ៏ពិសេសនេះ នឹងសម្លឹងព្រមទាំងធ្វើការកត់សម្គាល់នូវរាល់សកម្មភាពរបស់លោកអ្នកជានិច្ច ទូរស័ព្ទដៃ LG AKA នេះមានតម្លៃជាង៣០០ដុល្លារ៕ រូបថត ហុង មិនា
