.jpg)
ធនាគារឯកទេសវីង (ខេមបូឌា) លីមីតធីត និង ធនាគារ កាណាឌីយ៉ា ក.អ បានចុះហត្ថលេខាលើអនុស្សរណៈនៃការយោគយល់គ្នាកាលពីថ្ងៃអង្គារសប្តាហ៍មុន ដើម្បីជំរុញបរិយាប័ន្នហិរញ្ញវត្ថុ និងផ្តល់ជូនប្រជាជនកម្ពុជាគ្រប់រូបឲ្យអាចទទួលបានហិរញ្ញវត្ថុប្រកបដោយភាពងាយស្រួល សុវត្ថិភាព និងឆាប់រហ័ស។ កិច្ចព្រមព្រៀងនេះនឹងអនុញ្ញាតឱ្យធនាគារឯកទេសវីង និងធនាគារកាណាឌីយ៉ាប្រើប្រាស់វេទិកាឌីជីថល និងបណ្តាញដ៏ធំទូលាយរបស់ខ្លួនដើម្បីផ្តល់ភាពងាយស្រួល និងសុវត្ថិភាពនៅពេលអតិថិជនទទួលសេវាហិរញ្ញវត្ថុ ដែលធ្វើឲ្យកម្រិតជីវភាពរស់នៅរបស់ពួកគេមានភាពកាន់តែប្រសើរឡើង។ អ្នកឧកញ៉ាបណ្ឌិត ពុង ឃាវសែ ប្រធានក្រុមប្រឹក្សាភិបាលនៃធនាគារកាណាឌីយ៉ា និងអ្នកឧកញ៉ា គិត ម៉េង ប្រធានក្រុមប្រឹក្សាភិបាលនៃធនាគារឯកទេសវីងក៏មានវត្តមាននៅក្នុងពិធីចុះហត្ថលេខានេះដែរ៕ រូបថត នាង សុភាព
