.jpg)
មូលនិធិធនាគារ មេយប៊ែង បានប្រគល់ម៉ាស់សូត្រដែលត្បាញដោយស្ត្រីតម្បាញនៃកម្មវិធីស្ត្រី និងតម្បាញរបស់ធនាគារ មេយប៊ែង ជូនដល់លេខាធិការដ្ឋានអាស៊ាន និងសមាជិកបេសកកម្មនៃបណ្តារដ្ឋដែលជាសមាជិកកាលពីថ្ងៃចន្ទសប្តាហ៍មុននៅទីក្រុងហ្សាការតាដែលជាផ្នែកមួយនៃការចូលរួមប្រយុទ្ធប្រឆាំងជំងឺកូវីដ១៩។ បន្ថែមពីលើនេះដែរ ស៊ុមកម្រងម៉ាស់សូត្រចំនួន ១០ ដែលតំណាងឲ្យក្តីសង្ឃឹម និងការបួងសួងរបស់ស្ត្រីតម្បាញ ចំពោះបណ្តាសមាជិកអាស៊ានទាំង ១០ ប្រទេសក៏បានប្រគល់ជូនលោក Dato’ Lim Jock Hoi អគ្គលេខាធិការអាស៊ាននៅក្នុងឱកាសកម្មវិធីនេះផងដែរ។ ការចូលរួមចំណែកនេះគឺជាកាយវិការមួយដែលបង្ហាញអំពីការពង្រឹងទំនាក់ទំនងរវាងអាស៊ាន និងធនាគារ មេយប៊ែង៕ រូបថត សហការី
