.jpg)
ធនាគារ មេយប៊ែង (ខេមបូឌា) ភីអិលស៊ី បានប្រគល់ជូនម៉ាស់ត្បាញដោយដៃចំនួន ៦ ០០០ ដល់ក្រសួងអប់រំ យុវជន និងកីឡា ស្របពេលជាមួយនឹងការបើកឲ្យដំណើរការឡើងវិញនៃគ្រឹះស្ថានអប់រំសាធារណៈ និងខួបលើកទី ៦០ ឆ្នាំរបស់ធនាគារ មេយប៊ែង នៅក្នុងឆ្នាំនេះផងដែរ។ ម៉ាស់ត្បាញដោយដៃទាំងនេះត្រូវបានប្រគល់ជូនដល់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងមានការអញ្ជើញចូលរួមដោយឯកឧត្តម Eldeen Husaini Mohd Hashim ឯកអគ្គរាជទូតម៉ាឡេស៊ីប្រចាំកម្ពុជា នៅទីស្តីការក្រសួងអប់រំ យុវជន និងកីឡា។ ម៉ាស់ត្បាញដោយដៃទាំងនេះត្រូវបានផលិតចេញពីក្រណាត់ និងសូត្រសុទ្ធ ដែលអាចសម្អាត និងប្រើប្រាស់ឡើងវិញបាន និងត្រូវបានធ្វើដោយដៃផ្ទាល់ ដោយស្ត្រីតម្បាញជំនាញចំនួន ២៥០ នាក់ នៅខេត្តតាកែវ ក្រោមកម្មវិធីស្ត្រីតម្បាញរបស់ធនាគារ មេយប៊ែង៕ photos SUPPLIED
