.jpg)
ភ្នំពេញ៖ កាលពីថ្ងៃទី ៧ ខែធ្នូកន្លងទៅនេះធនាគារស៊ីអាយអិមប៊ី ភីអិលស៊ី (ធនាគារ CIMB) បានបង្កើតនូវកម្មវិធីរីករាយ ដើម្បីផ្សារភ្ជាប់ទំនាក់ទំនងជាមួយអតិថិជនក្នុងឱកាសប្រារព្ធពិធីថ្លែងអំណរគុណដល់អតិថិជនធនាគារនៅភោជនីយដ្ឋាន Topaz។
ថ្លែងក្នុងកម្មវិធីនេះលោក ប៊ុន យីន ប្រធាននាយកប្រតិបត្តិរបស់ធនាគារ CIMB បានមានប្រសាសន៍ថា៖ «កម្មវិធីនារាត្រីនេះគឺជាការអបអរសាទរដល់កិច្ចខិតខំប្រឹងប្រែង និងសមិទ្ធផលរបស់យើងទាំងអស់គ្នាក្នុងរយៈពេល ១ ឆ្នាំកន្លងមកនេះហើយវាក៏ជាការបង្ហាញនូវការយកចិត្តទុកដាក់មួយកម្រិតទៀត ព្រមទាំងការថ្លែងអំណរគុណដល់អតិថិជន ដែលតែងតែជឿជាក់ និងបន្តគាំទ្រដល់ធនាគារ CIMB នាពេលកន្លងមក។
សម្រាប់ថ្ងៃអនាគតធនាគារ CIMB នឹងផ្តោតសំខាន់លើការកែលម្អនូវបច្ចេកវិទ្យាលើរចនាសម្ព័ន្ធដូចដែលយើងតែងតែឮគេតែងរំឭកអំពីបដិវត្តន៍បច្ចេកវិទ្យាលើកទី ៤។ ធនាគារ CIMB ជឿជាក់ថាបច្ចេកវិទ្យានឹងផ្លាស់ប្តូរនូវអតិថិជនរបស់យើងអំពីរបៀបផ្តល់សេវាកម្ម និងផលិតផលថ្មីរបស់ធនាគារជូនដល់អតិថិជន។ ដូច្នេះធនាគារនឹងខិតខំប្រែក្លាយខ្លួនឯងទៅតាមបច្ចេកវិទ្យាថ្មីលើសាខាទាំង ១៣ របស់ធនាគារ៕
លោក ប៊ុន យីន ប្រធាននាយកប្រតិបត្តិរបស់ធនាគារ ស៊ីអាយអិមប៊ី ភីអិលស៊ី. photos SUPPLIED
