ធនាគារ PPCBank បានចាប់ដៃគូសហការជាមួយក្រុមហ៊ុន TrueMoney កាលពីថ្ងៃពុធកន្លងទៅ ដើម្បីធ្វើឱ្យការទូទាត់ប្រាក់កម្ចីកាន់តែមានភាពងាយស្រួលសម្រាប់អតិថិជនរបស់ធនាគារ។ ភាគីទាំង ២ បានចុះហត្ថលេខាលើអនុស្សរណៈយោគយល់គ្នានៅទីស្នាក់ការកណ្តាលធនាគារ PPCBank ដែលស្ថិតនៅតាមមហាវិថីព្រះនរោត្តម ។ តាមរយៈការចាប់ដៃគូសហការគ្នានេះ អតិថិជនអាចបង់ប្រាក់កម្ចីរបស់ខ្លួនទៅឱ្យធនាគារ PPCBank តាមរយៈកម្មវិធីទូរស័ព្ទដៃ TrueMoney Wallet និងភ្នាក់ងារ ទ្រូម៉ាន់នី ហើយដើម្បីជាការអបអរសាទរភាពជាដៃគូសហការនេះ អតិថិជននឹងអាចរីករាយនូវការផ្ដល់ជូនពិសេសរយៈពេល ៣ ខែ សម្រាប់ការបង់ប្រាក់កម្ចីដោយឥតគិតថ្លៃសេវាចាប់ពីថ្ងៃទី ២៣ ខែកញ្ញា រហូតដល់ថ្ងៃទី ៣១ ខែធ្នូ ឆ្នាំ ២០២០៕ រូបថត ហេង ជីវ័ន